ৰোগীৰ মৃত্যুক কেন্দ্ৰ কৰি উত্তপ্ত হ’ল কাকপথাৰ প্ৰাথমিক স্বাস্থ্য কেন্দ্ৰ

কাকপথাৰ প্ৰাথমিক স্বাস্থ্য কেন্দ্ৰত (Kakopothar Primary Health Center) উত্তপ্ত পৰিস্থিতি ৷ এগৰাকী ৰোগীৰ মৃত্যুক কেন্দ্ৰ কৰি সৃষ্টি হয় এই উত্তপ্ত পৰিস্থিতি ৷ পৰিয়ালৰ লোকৰ অভিযোগ অনুসৰি চিকিৎসকৰ গুৰুত্বহীনতাৰ বাবে মৃত্যু হয় ৰোগীজনৰ ৷

শদিয়া, 23 জুলাই : কাকপথাৰ প্ৰাথমিক স্বাস্থ্য কেন্দ্ৰত (Kakopothar Primary Health Center) চিকিৎসকৰ গুৰুত্বহীনতা তথা চিকিৎসাৰ কৰ্মীৰ গাফিলতিৰ বাবে এজন ব্যক্তিৰ মৃত্যু হোৱা ঘটনাই তীব্ৰ চাঞ্চল্যৰ সৃষ্টি কৰিছে ৷ ডিৰাক চাৰিআলিৰ নালিয়া শইকীয়া(35) নামৰ ব্যক্তিগৰাকীক পেটৰ অসুখৰ বাবে কাকপথাৰ প্ৰাথমিক স্বাস্থ্য কেন্দ্ৰত ভৰ্তি কৰোৱা হৈছিল ৷ পৰিয়ালৰ অভিযোগ অনুসৰি স্বাস্থ্য কেন্দ্ৰত ৰোগী গৰাকীক ভৰ্তি কৰোৱা হয় যদিও চিকিৎসক আৰু স্বাস্থ্যৰ কৰ্মীৰ গুৰুত্ব লাভ নকৰে ৷

কৰ্তব্যৰত চিকিৎসক অমন উপাধ্যায়ে ব্যক্তিজনৰ স্বাস্থ্য পৰীক্ষা কৰি উন্নত চিকিৎসাৰ বাবে পৰামৰ্শ দিয়ে ৷ কিন্তু ক'ভিড পৰীক্ষা নকৰাৰ বাবেই পৰিয়ালবৰ্গই উন্নত চিকিৎসৰ বাবে অন্য ঠাইলৈ নিব নোৱাৰিলে ব্যক্তিজনক ৷ পৰিয়াললোকে সদৰি কৰা মতে পুৱা ৬.৩০ বজাৰ পৰা প্ৰায় ৯.৩০লৈকে ব্যক্তিগৰাকীৰ ক'ভিড পৰীক্ষা বাবে অপেক্ষা কৰিবলগীয়া হয় ৷

উল্লেখ্য যে, পুৱা ৯.৩০ বজালৈ অপেক্ষা কৰাৰ অন্তত লোকজনৰ ক'ভিড পৰীক্ষা কৰাৰ হয় ৷ কিন্তু ক'ভিড পৰীক্ষা ফলাফলত লাভ কৰাৰ আগতেই মৃত্যু হয় লোকজনৰ ৷

চিকিৎসালয়খনৰ মুখ্য চিকিৎসা বিষয়া জ্যোতিময় শৰ্মা, চিকিৎসক অমন উপাধ্যায়ৰ গুৰুত্বহীনতা, কৰ্তব্যৰত চিকিৎসা কৰ্মীৰ হেমাহীৰ বাবেই লোকজনৰ মৃত্যু হোৱা বুলি অভিযোগ উত্থাপন কৰে পৰিয়ালবৰ্গই ৷ ইয়াৰ পাচতে এক উত্তপ্ত পৰিস্থিতিৰ সৃষ্টি হয় চিকিৎসা কেন্দ্ৰটোত ৷ লগতে কাকপথাৰ প্ৰাথমিক স্বাস্থ্য কেন্দ্ৰৰ চিকিৎসক আৰু চিকিৎসা কৰ্মীৰ শাস্তিৰ দাবী জনাইছে মৃত লোকজনৰ পৰিয়ালবৰ্গই ৷

লগতে পঢ়ক: চৰাইদেউত ২৬ লাখ ৭০ হাজাৰ টকাৰ নিচাজাতীয় সামগ্ৰী দহন