বাঘজানত উপস্থিত কেন্দ্ৰীয় পেট্ৰ'লিয়াম বিভাগৰ সচিব তৰুণ কাপুৰ

সচিব গৰাকীয়ে বাঘজান BGR-5 নম্বৰৰ অগ্নিকাণ্ড সংঘটিত হোৱা তৈলখাদ পৰিদৰ্শন কৰাৰ লগতে দিয়ামুলী প্ৰাথমিক বিদ্যালয়ৰ আশ্ৰয় শিবিৰত থকা লোকসকলৰ সৈতে মত-বিনিময় কৰে ।

তিনিচুকীয়া, 24 জুনঃ মঙলবাৰে নিশা তিনিচুকীয়াৰ বাঘজানত উপস্থিত হ'য় ভাৰত চৰকাৰৰ পেট্ৰ'লিয়াম বিভাগৰ সচিব তৰুণ কাপুৰ । সচিব গৰাকীয়ে বাঘজান BGR-5 নম্বৰৰ অগ্নিকাণ্ড সংঘটিত হোৱা তৈলখাদ পৰিদৰ্শন কৰাৰ লগতে দিয়ামুলী প্ৰাথমিক বিদ্যালয়ৰ আশ্ৰয় শিবিৰত থকা লোকসকলৰ সৈতে মত-বিনিময় কৰে । সচিব গৰাকীৰ সৈতে অইল ইণ্ডিয়াৰ পৰিচালন সঞ্চালক সুশীল চন্দ্ৰ মিশ্ৰও উপস্থিত থাকে । অগ্নিকাণ্ড সংঘটিত হোৱা খাদটোত অইল ইণ্ডিয়াৰ লগতে বিদেশী বিশেষজ্ঞই কাম কৰি আছে আৰু ৭ জুলাই তাৰিখে অগ্নিকাণ্ড সংঘটিত হোৱা খাদটোত Blow out Priventer লগোৱা হ'ব বুলি ভাৰত চৰকাৰৰ পেট্ৰ'লিয়াম বিভাগৰ সচিব গৰাকীয়ে উল্লেখ কৰে ।

লগতে তেওঁ ক্ষতিগ্ৰস্ত লোকসকলক উচিত ক্ষতি পূৰণ প্ৰদান কৰা হ'ব বুলি উল্লেখ কৰাৰ লগতে ভৱিষ্যতলৈ যাতে এনে দুৰ্ঘটনা হ'বলৈ নাপায় তাৰ বাবে পদক্ষেপ গ্ৰহণ কৰা হ'ব বুলি প্ৰকাশ কৰে ৷

উল্লেখ যোগ্য যে, বাঘজানৰ তৈল ক্ষেত্ৰৰ 5 নং খাদত 9 জুনত সংঘটিত হৈছিল ভয়ংকৰ অগ্নিকাণ্ডৰ ঘটনা ৷ 26 মে'ৰ দিনাৰ পৰাই পাইপ ফুটাৰ ফলত অহৰহ নিৰ্গত হৈ আছিল গেছ ৷ বিদেশী বিশেষজ্ঞ আনি গেছ নিৰ্গমণ ৰোধ কৰাৰ চেষ্টা চলোৱাৰ সময়তেই সংঘটিত হৈছিল এই অগ্নিকাণ্ড ৷ ইয়াৰ ফলত বহু লোক গৃহহীন হোৱাৰ লগতে মৃত্যু হৈছিল দুজনকৈ লোকৰ ৷ কেৱল ইমানেই নহয়, চাৰিওদিশে বিয়পি পৰিছিল তেলৰ চামনি ৷ সম্পূৰ্ণ ৰূপে বিনষ্ট হৈ গৈছে অঞ্চলটোৰ প্ৰাকৃতিক পৰিৱেশ ৷

লগতে পঢ়কঃবাঘজানৰ ক্ষতিগ্ৰস্তক উচিত ক্ষতিপূৰণ দিয়াৰ দাবী 30 টাকৈ জাতীয় সংগঠনৰ