বিগত এটা মাহে সন্ধানহীন কাকপথাৰৰ প্ৰিয়ংকা ভুমিজ

বিগত বৰ্ষৰ 9 ডিচেম্বৰৰ পৰা সন্ধানহীন হৈ আছে কাকপথাৰ কুমচাঙৰ দ্বিতীয় শ্ৰেণীৰ ছাত্ৰী প্ৰিয়ংকা ভুমিজ (10) ৷ আৰক্ষী চকীত লিখিত পত্ৰ দাখিল কৰিছে যদিও, আজিলৈ কোনো ধৰণৰ সম্ভেদ পোৱা নাই কিশোৰী গৰাকীৰ ৷

কাকপথাৰ, 17 জানুৱাৰীঃযোৱা 9 ডিচেম্বৰৰ পৰা নিৰুদ্দেশ হৈ আছে কাকপথাৰ কুমচাঙৰ দ্বিতীয় শ্ৰেণীৰ ছাত্ৰী প্ৰিয়ংকা ভুমিজ (10) ৷উল্লেখ্য যে, কুমচাং চাহ বাগিচাৰ ১ নং প্ৰাথমিক বিদ্যালয়ৰ ছাত্ৰী গৰাকী বিগত বৰ্ষৰ 9 ডিচেম্বৰত ডুমডুমাৰ বিচাকুপিৰ পেহীয়েকৰ ঘৰৰ পৰা নিজ ঘৰলৈ উভতি অহাৰ পথৰ পৰা সন্ধানহীন হৈ আছে ৷

মাক-দেউতাক নথকা কিশোৰী গৰাকীৰ সন্ধানৰ বাবে খুড়ীয়েক মৌচুমী ভুমিজে ইতিমধ্যে ডুমডুমা আৰক্ষী চকীত এখন লিখিত পত্ৰ দাখিল কৰিছে যদিও, আজিলৈ কোনো ধৰণৰ সম্ভেদ পোৱা নাই কিশোৰী গৰাকীৰ ৷ কোনো লোকে কিশোৰী গৰাকীৰ সম্ভেদ পালে 6000423731নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে ৷

লগতে পঢ়কঃদলগাঁৱত উদ্ধাৰ উত্তৰ প্ৰদেশৰ চুৰি গাড়ী