শদিয়া, 8 জুন : আৰ্থিক দৈন্যতা যে সফলতাৰ হেঙাৰ হব নোৱাৰে তাকে প্ৰমাণ কৰিলে কাকপথাৰৰ সুনিতা সিঙে ৷ সদ্যঘোষিত হাইস্কুল শিক্ষান্ত পৰীক্ষাৰ ফলাফলত ৮৭.৬৭ শতাংশৰে গৌৰৱ কঢ়িয়াই আনিছে কাকপথাৰলৈ ৷ কাকপথাৰ গন্ধিগুৰী ফৰেষ্টগেটৰ খৰি বিক্ৰী কৰা নতুবা দিন হাজিৰা কৰা ৰাজেশ সিঙে কন্যা সুনিতাক কাকপথাৰৰ ৰাধাকৃষ্ণন একাডেমিত নামভৰ্ত্তি কৰাইছিল ৷ ছাত্ৰীগৰাকীৰ ঘৰৰ অৱস্থা আৰ্থিকভাবে টনকীয়াল নোহোৱাৰ কথা অনুধাৱন কৰি বিদ্যালয়খনেও বিভিন্ন ক্ষেত্ৰত ৰেহাইৰ ব্যৱস্থা কৰিছিল ৷
খৰি বিক্ৰী কৰা পিতৃৰ কন্যাৰ সাফল্য