তিনিচুকীয়া, 30 জুলাই:তিনিচুকীয়া-মাকুম সংযোগী পথত বৃহস্পতিবাৰে সংঘটিত হয় এক ভয়ংকৰ পথ দুৰ্ঘটনা ৷ AS-25-9876 নম্বৰৰ এখন তীব্ৰবেগী ট্ৰাকৰ খুন্দাত থিতাতে নিহত হয় এগৰাকী মহিলা ৷ এখন চাইকেলেৰে আহি আছিল মহিলা গৰাকী ৷ তেনে সময়তে তীব্ৰবেগী ট্ৰাকখনে আহি খুন্দিয়ায় চাইকেল খনত ৷ ঘটনা সংঘটিত হোৱাৰ কিছু সময় পাচতে ঘটনাস্থলীত উপস্থিত হয় তিনিচুকীয়া সদৰ যান-বাহন আৰক্ষী ৷ ঘটনাস্থলীত আৰক্ষীৰ লোক উপস্থিত হৈ ট্ৰাকখন জব্দ কৰাৰ লগতে নিহত মহিলাগৰাকীক মৰণোত্তৰ পৰীক্ষাৰ বাবে প্ৰেৰণ কৰে তিনিচুকীয়া অসামৰিক চিকিৎসালয়লৈ ৷
তিনিচুকীয়াত পথ দুৰ্ঘটনা: থিতাতে নিহত এগৰাকী মহিলা