সৰু ডিৰাকত ভয়ংকৰ দুৰ্ঘটনাত থিতাতে নিহত এজন

দীৰ্ঘদিনৰে পৰা ১৫ নং ৰাষ্ট্ৰীয় ঘাইপথেদি অৰুণাচল দিশৰ পৰা অহা ডাম্পাৰে সঘনাই দুৰ্ঘটনা সংঘটিত কৰি অহাৰ অভিযোগ ৷ প্ৰশাসনে বিষয়টো গুৰুত্ব সহকাৰে নোলোৱাৰ অভিযোগ ৰাইজৰ ৷

শদিয়া,14 ডিচেম্বৰ : সোমবাৰে কাকপথাৰ সৰু ডিৰাকত সংঘটিত হয় ভয়ংকৰ পথ দুৰ্ঘটনা ৷ তীব্ৰ বেগী ডাম্পাৰৰ খুন্দাত ঘটনাস্থলীতে নিহত হয় AR 20- 2298 নম্বৰৰ বাইকখনৰ আৰোহী ৷ মৃত লোকজন হালোৱা পথাৰৰ ৰুবুল সোণোৱাল বুলি জানিব পৰা গৈছে ৷ ঘটনা সংঘটিত কৰি ততাতৈয়াকৈ পলায়ন কৰা ডাম্পাৰৰ সন্ধানত অভিযান তীব্ৰতৰ কৰি As 23 cc 2660 নম্বৰৰ ডাম্পাৰ খন জব্দ কৰিছে কাকপথাৰ আৰক্ষীয়ে ৷

উল্লেখ্য যে, ১৫ নং ৰাষ্ট্ৰীয় ঘাইপথেদি অৰুনাচল দিশৰ পৰা অহা ডাম্পাৰেে সঘনাই দুৰ্ঘটনা সংঘটিত কৰি আহিছে ৷ এই সন্দৰ্ভত আৰক্ষীক কঠোৰ হোৱাৰ দাবী তুলিছে স্থানীয় ৰাইজে ৷

লগতে পঢ়কঃমহানগৰীত গাড়ী বিক্ৰেতা প্ৰতিষ্ঠানত পৰিবহন বিভাগৰ অভিযান