Ranjit Kumar Das in Tinsukia: যোগ্য হিতাধিকাৰীয়ে লাভ কৰিব ৰেচন কাৰ্ড: ৰণজিৎ কুমাৰ দাস

তিনিচুকীয়াত উপস্থিত অভিভাৱক মন্ত্ৰী ৰণজিৎ কুমাৰ দাস । বৃহস্পতিবাৰে তিনিচুকীয়াৰ জিলা উপায়ুক্তৰ কাৰ্যালয়ত মন্ত্ৰীগৰাকী মিলিত হয় এখনি পৰ্যালোচনা বৈঠকত(Ranjit Kumar Das attend review meeting in Tinsukia) । ৰেচন কাৰ্ডৰ হিতাধিকাৰী নিৰ্বাচনত যোগ্যজনে যাতে স্থান পায়, তাৰ বাবে বিষয়াসকলক সজাগ হোৱাৰ আহ্বান জনাই মন্ত্ৰীগৰাকীয়ে ।

তিনিচুকীয়া,৩ ফেব্ৰুৱাৰী:তিনিচুকীয়া জিলা উপায়ুক্ত কাৰ্যালয়ৰ সভাকক্ষত বৃহস্পতিবাৰে বিয়লি অসম চৰকাৰৰ পঞ্চায়ত, গ্ৰামোন্নয়ন, খাদ্য-অসামৰিক যোগান তথা গ্ৰাহক পৰিক্ৰমা আদি বিভাগৰ মন্ত্ৰী তথা তিনিচুকীয়া জিলাৰ অভিভাৱক মন্ত্ৰী ৰণজিৎ কুমাৰ দাসে(Minister Ranjit Kumar Das) জিলাখনৰ পঞ্চায়ত ও গ্ৰামোন্নয়ন বিভাগৰ লগতে খাদ্য-অসামৰিক যোগান ও গ্ৰাহক পৰিক্ৰমা বিভাগৰ বিষয়াৰে সৈতে এখনি পৰ্যালোচনা বৈঠকত মিলিত হয়(Ranjit Kumar Das attend review meeting in Tinsukia) ।

অভিভাৱক মন্ত্ৰীগৰাকীয়ে জিলাখনত খাদ্য সুৰক্ষা আইনৰ(Food Safety Act) অধীনত ৰেচন কাৰ্ডৰ বাবে হিতাধিকাৰী নিৰ্বাচন সন্দৰ্ভত বিতংভাবে আলোচনা কৰে । প্ৰতিগৰাকী যোগ্য হিতাধীকাৰীয়ে যাতে ৰেচন কাৰ্ড লাভ কৰে, লগতে হিতাধিকাৰী নিৰ্বাচনৰ প্ৰক্ৰিয়া যাতে সুচাৰুৰূপে সম্পন্ন হয় তাৰ বাবে সংশ্লিষ্ট বিভাগক যাৱতীয় পদক্ষেপ গ্ৰহণ কৰিবলৈ নিৰ্দেশ প্ৰদান কৰে । সমান্তৰালভাৱে অভিভাৱক মন্ত্ৰীগৰাকীয়ে তিনিচুকীয়া জিলাখনত ধান ক্ৰয়ৰ অগ্ৰগতি সন্দৰ্ভতো বুজ লয় আৰু ধান ক্ৰয় কেন্দ্ৰসমূহ যাতে সুচাৰুৰূপে চলি থাকে তাৰ ওপৰতো চকু ৰাখিবলৈ বিভাগৰ বিষয়াসকলক আহ্বান জনায় ।

তিনিচুকীয়াত মন্ত্ৰী ৰণজিৎ কুমাৰ দাসৰ পৰ্যালোচনা বৈঠক

ইয়াৰ পাছতে তিনিচুকীয়া জিলাৰ কেইবাটাও উন্নয়ন খণ্ডত ৰূপায়ণ হৈ থকা অমৃত সৰোবৰ আচঁনিৰ(Amrit Sarovar Yojana) অধীনত পুখুৰী খননৰ অগ্ৰগতি সন্দৰ্ভতো মন্ত্ৰীগৰাকীয়ে আলোচনা কৰে । অভিভাৱক মন্ত্ৰীগৰাকীয়ে প্ৰধানমন্ত্ৰী আৱাস যোজনা (গ্ৰামীণ)ৰ অগ্ৰগতি সন্দৰ্ভতো বুজ লয় । প্ৰতিগৰাকী খণ্ড উন্নয়ন বিষয়াক প্ৰধানমন্ত্ৰী আৱাস যোজনা (গ্ৰামীণ)ৰ কামকাজ সঠিকভাৱে তথা খৰতকীয়াকৈ নিৰ্ধাৰিত সময়ৰ ভিতৰত সম্পূৰ্ণ কৰিবলৈ আৰু কোনো দুষ্টচক্ৰই যাতে ইয়াৰ সুবিধা ল’ব নোৱাৰে তাৰ প্ৰতি সাজগ হৈ থাকিবলৈ আহ্বান জনায় ।

বৃহস্পতিবাৰে অনুষ্ঠিত হোৱা পৰ্যালোচনা বৈঠকত অসম চৰকাৰৰ পঞ্চায়ত ও গ্ৰামোন্নয়ন, খাদ্য-অসামৰিক যোগান ও গ্ৰাহক পৰিক্ৰমা আদি বিভাগৰ মন্ত্ৰী তথা তিনিচুকীয়া জিলাৰ অভিভাৱক মন্ত্ৰী ৰণজিৎ কুমাৰ দাসৰ স’তে অসম চৰকাৰৰ শ্ৰম আৰু চাহ জনজাতি কল্যান আদি দপ্তৰৰ মন্ত্ৰী সঞ্জয় কিষান(Minister Sanjay Kishan), শদিয়া সমষ্টিৰ বিধায়ক বলিন চেতিয়া, মাৰ্ঘেৰিটা সমষ্টিৰ বিধায়ক ভাস্কৰ শৰ্মা, ডিগবৈ সমষ্টিৰ বিধায়ক সুৰেন ফুকন, চাবুৱা সমষ্টিৰ বিধায়ক পোনাকণ বৰুৱা, ডুুমডুমা সমষ্টিৰ বিধায়ক ৰুপেশ গোৱালা, জিলা উপায়ুক্ত নৰসিং পৱাৰ, জিলা পৰিষদৰ মুখ্য কাৰ্যবাহী বিষয়া মুনিন্দ্ৰ বৰদলৈ, অতিৰিক্ত উপায়ুক্ত সুশান্ত দত্ত, অতিৰিক্ত উপায়ুক্ত মনজিৎ বৰকাকতী,অতিৰিক্ত উপায়ুক্ত পলাশ ৰাজকুমাৰ আহোম প্ৰমুখ্যে জিলা প্ৰশাসনৰ অন্যান্য বিষয়াবৰ্গ উপস্থিত থাকে ।

উল্লেখযোগ্য যে, জিলা উপায়ুক্ত কাৰ্যালয়ৰ সভাকক্ষত পৰ্যালোচনা বৈঠক সামৰি অভিভাৱক মন্ত্ৰী ৰঞ্জিত কুমাৰ দাসে তিনিচুকীয়া জিলা বিজেপিৰ কাৰ্যালয়ত দলীয় কৰ্মকৰ্তাসকলৰ সৈতে সন্ধিয়াৰভাগত এক আনুষ্ঠানিক বৈঠকত মিলিত হোৱাৰ পাছতে জিলা অগপ কাৰ্যালয়ত অগপ কৰ্মীসকলৰ লগত অনানুষ্ঠানিকভাৱে এক বাৰ্তালাপ অনুষ্ঠানত মিলিত হয় ৷

লগতে পঢ়ক:Businessman Son viral video: এটা ভাইৰেল ভিডিঅ‘ক কেন্দ্ৰ কৰি ডিফুত চেপা উত্তেজনা