তিনিচুকীয়া, 28 ডিচেম্বৰ :TMPK, MMK, TMMK তিনিচুকীয়া জিলা সমিতিৰ উদ্যোগত বৃহত্তৰ লাইকা-দধিয়াবাসীয়ে যোৱা ২০ তাৰিখৰ পৰা কৰি অহা অনিৰ্দিষ্ট কালীন অৱস্থান ধৰ্মঘট কাৰ্যসূচীয়ে আজি 8 টা দিন অতিক্ৰম কৰিলে ৷ কিন্তু চৰকাৰ-প্ৰশাসনৰ কোনো ধৰণৰ সঁহাৰি পোৱা নাই লাইকা-দধিয়াবাসী মিচিং সাম্প্ৰদায়ৰ ৰাইজে । ফলত সোমবাৰে তিনিচুকীয়াৰ বৰগুৰিস্থিত বন সংমণ্ডলৰ কাৰ্যালয়ৰ সন্মুখত নিজৰ প্ৰাপ্য অধিকাৰ বিচাৰি প্ৰতিবাদ সাব্যস্ত কৰে একাংশ ৰাইজে ৷ পুনৰ সংস্থাপন বিচৰাৰ লগতে ডিব্ৰু-ছৈখোৱা ৰাষ্ট্ৰীয় উদ্যানৰ জৈৱ বৈচিত্ৰ সংৰক্ষণৰ দাবীৰে প্ৰতিবাদ সাব্যস্ত কৰে ৰাইজে ৷
বিগত 8 দিনে অব্যাহত আছে লাইকা-দধিয়াবাসীৰ প্ৰতিবাদ উল্লেখ্য যে, বৃহত্তৰ লাইকা-দধিয়াবাসীয়ে যোৱা ২০ তাৰিখে তিনিচুকীয়া জিলা উপায়ুক্ত কাৰ্যালয়ৰ সন্মুখত এক বিশাল গণ বিক্ষোভ কাৰ্যসূচী ৰূপায়ণ কৰে যদিও, কোনো ধৰণৰ ইতিবাচক সঁহাৰি লাভ কৰিবলৈ সক্ষম নহ'ল ৷ ইয়াৰ পাছতে ক্ষোভিত হৈ যোৱা ২১ তাৰিখৰ পৰা বৰগুৰিত অনিৰ্দিষ্ট কাললৈ অৱস্থান ধৰ্মঘট প্ৰতিবাদী কাৰ্যসূচী গ্ৰহণ কৰি আহিছে তেওঁলোকে ৷ পুহ মাহৰ জাৰকো নেওচি দিন-ৰাতি কটাইছে লাইকা-দধিয়াবাসী ৰাইজে ৷ প্ৰায় 1480 টা পৰিয়ালে নিজৰ জীয়াই থকাৰ অধিকাৰ আৰু বসবাস কৰিবলৈ এডোখৰ মাটি লগতে ডিব্ৰু-ছৈখোৱা ৰাষ্ট্ৰীয় উদ্যানক প্ৰকৃত ৰাষ্ট্ৰীয় উদ্যান হিচাপে সংৰক্ষণ কৰাৰ দাবীৰে যমৰ যাতনাত দিন-ৰাতি কটাবলগীয়া হৈছে ৷
লগতে পঢ়ক:লণ্ডনৰ পৰা গোলাঘাটলৈ অহা দম্পতিৰ শৰীৰত ক'ভিড-19ৰ অৱস্থিতি
