তিনিচুকীয়া, ১৫ ছেপ্টেম্বৰ :ভাৰতৰ ৰাষ্ট্ৰপতিয়ে ১৩ ছেপ্টেম্বৰত সমগ্ৰ দেশতে ভাৰ্চুৱেল মোডৰ জৰিয়তে আনুষ্ঠানিকভাৱে আৰম্ভ কৰিছে ‘আয়ুষ্মান ভৱ’ অভিযান ৷ প্ৰতিখন গাঁৱতে প্ৰধানমন্ত্ৰী নৰেন্দ্ৰ মোদীয়ে শেষ মাইললৈকে প্ৰৱেশ নিশ্চিত কৰিবলৈ এই অভিযান আৰম্ভ কৰিছে । এই অভিযানে ইউনিভাৰ্চেল হেল্থ কভাৰেজ (ইউ এইচ চি) লাভ কৰা আৰু সকলোৰে বাবে স্বাস্থ্যসেৱা নিশ্চিত কৰাৰ দিশত এক উল্লেখযোগ্য অৱদান আগবঢ়াইছে । ই বিশেষকৈ অভাৱগ্ৰস্ত লোকসকলৰ বাবে স্বাস্থ্যসেৱাৰ সুলভতা আৰু আয় সাপেক্ষে ব্যয় অধিক সুদৃঢ় কৰাৰ বাবে চেষ্টা কৰিছে ।
শুকুৰবাৰে জিলা স্বাস্থ্য সমিতি তিনিচুকীয়া, অতিৰিক্ত জিলা আয়ুক্ত (স্বাস্থ্য)ৰ উদ্যোগত আয়োজিত সংবাদমেলত সংবাদ মাধ্যমক সম্বোধন কৰি চিন্ময় পাঠকে ‘আয়ুষ্মান ভৱ’ অভিযানৰ মূল উদ্দেশ্য, প্ৰধানমন্ত্ৰীৰ আৰোগ্য যোজনা (PMJAY), ABHA ৰ সজাগতা বৃদ্ধিৰ ওপৰত আলোকপাত কৰে ৷ আইডি প্ৰজন্ম আৰু অসংক্ৰামক ৰোগ আৰু চিকেল চেল ৰোগৰ পৰীক্ষা আৰু ব্যৱস্থাপনাৰ সৈতে জড়িত সেৱাসমূহৰ কথাও উল্লেখ কৰে তেওঁ ।