ডুমডুমা,২৩ জুন:তিনিচুকীয়া জিলাৰ ডুমডুমা বিধান সভাৰ অন্তৰ্গত গাভৰুভেটি গাঁও পঞ্চায়তৰ শীতলপুৰ টিংখাং গাঁৱৰ ৰাইজে এটি জৰাজীৰ্ণ পথৰ বাবে জীয়াতু ভুগিব লগাত পৰিছে(Damage road in Doomdoma) । ভাৰতে স্বাধীনতা লাভ কৰাৰে পৰা ৰাইজে বসবাস কৰি অহা গাঁওখনৰ এই পথটো দেখিলে আপোনাৰো চকু কপালত উঠিব । একাঁঠু বোকা-পানী খচকি কণ-কণ ছাত্ৰ-ছাত্ৰীৰ পৰা বৃদ্ধজনেও পাৰ হয় এই পথটো (Poor road condition have troubled people) ।
জৰাজীৰ্ণ পথে জীয়াতু ভোগাইছে ডুমডুমাৰ টিংখাং গাঁৱৰ ৰাইজক
গাঁওবাসীয়ে এই পথটোৰ বাবে চৰকাৰ তথা সংশ্লিষ্ট কৰ্তৃপক্ষক বাৰম্বাৰ আবেদন-নিবেদন কৰি আহিছে যদিও আজি পৰ্য্যন্ত কোনো গুৰুত্ব নিদিয়াত ক্ষোভিত হৈ পৰা দেখা গৈছে গাঁওবাসীক । উল্লেখ্য যে, চাহখেতি প্ৰধান এই এই গাঁওখনে কেঁচা চাহপাত উৎপাদনৰ ক্ষেত্ৰত ৰাজ্যত এক বিশেষ ভূমিকা পালন কৰি আহিছে ।