ডুমডুমা,6 জুলাই:দুৰৱস্থাৰ সন্মুখীন হৈছেতিনিচুকীয়াৰ নামহুলোং জলসিঞ্চন প্ৰকল্প ৷ তিনিচুকীয়াৰ ফিল’বাৰীৰ বুঢ়ীদিহিং মৌজাৰ অন্তৰ্গত এই প্ৰকল্পটোৰ অৱস্থা দেখিলে চকু কপালত উঠিব প্ৰত্যেকৰে ৷ ঠিকাদাৰৰ নিম্ন মানৰ কামৰ বাবে সম্প্ৰতি জহি-খহি গৈছে এই প্ৰকল্পটো ৷ উল্লেখ্য যে,1962 চনত জলসিঞ্চন বিভাগৰ আঁচনিৰ অধীনত নিৰ্মাণ কৰা হৈছিল প্ৰকল্পটো ৷ পৰৱৰ্তী সময়ত অৰ্থাৎ 2007 প্ৰায় এক কোটি বিশ লাখ টকা ব্যয় সাপেক্ষে ইয়াৰ মেৰামতি কৰা হৈছিল যদিও ই পুনৰ জহি-খহি যায় ৷ ফলত কৃষকসকলে তীব্ৰ প্ৰত্যাহ্বানৰ সন্মুখীন হ’বলগীয়া হৈছে ৷
নামহুলোং জলসিঞ্চন প্ৰকল্পৰ দুৰৱস্থা প্ৰকল্পটোৰ জৰিয়তে বৃহত্তৰ অঞ্চলটোৰ প্ৰায় 60 খন গাঁৱৰ কৃষকসকল উপকৃত হৈছিল ৷ বৰ্তমান ফিল’বাৰীৰ কৃষি ভূমিসমূহত পানীৰ অভাৱৰ বাবে খৰাং সদৃশ পৰিৱেশৰ সৃষ্টি হৈছে ৷ লক্ষণীয়ভাৱে এই প্ৰকল্পটো মাৰ্ঘেৰিটা বিধানসভা সমষ্টিৰ অন্তৰ্গত যদিও কৃষিৰ সুবিধাৰ বাবে পানী কেৱল ডুমডুমা বিধানসভা সমষ্টিলৈ আহে । যাৰ বাবে মাৰ্ঘেৰিটাৰ বিধায়ক ভাস্কৰ শৰ্মাই এইক্ষেত্ৰত আগবঢ়োৱা নাই কোনো সহযোগিতা ৷ এই অভিযোগ উত্থাপন কৰিছে স্থানীয় ৰাইজে ৷ প্ৰকল্পটো শীঘ্ৰে পুনৰ মেৰামতিৰ দাবীৰে গ্ৰাম্য পৰ্যটনস্থলী হিচাপে গঢ় দিয়াৰ বাবে ব্যৱস্থা গ্ৰহণ কৰিবলৈ চৰকাৰক আহ্বান জনাইছে স্থানীয় ৰাইজে ৷ বাৰিষাৰ কালছোৱাত প্ৰতি দিনে প্ৰায় তিনিশৰো অধিক পৰ্যটকৰ আগমন ঘটে উক্ত প্ৰকল্পস্থলীলৈ ।
লগতে চাওক:COVID-19ত আক্ৰান্ত মঙলদৈ অসামৰিক চিকিৎসালয়ৰ তিনি গৰাকী চিকিৎসক
