ডুমডুমা, 30 মে': অসম জাতীয়তাবাদী যুৱ-ছাত্ৰ পৰিষদৰ ফিল'বাৰী আঞ্চলিক সমিতিয়ে বৃহত্তৰ ফিল'বাৰী অঞ্চলৰ বাৰখনকৈ অসমীয়া মাধ্যমৰ বিদ্যালয়ত "ৰূপকাৰ তুমি ভৱিষ্যতৰ" শীৰ্ষক এক মেগা কুইজ প্ৰতিযোগিতাৰ আয়োজন কৰে ৷
যোৱা ১৩ মে' ৰ পৰা অঞ্চলটোৰ বিদ্যালয় সমূহৰ মাজত অনুষ্ঠিত কৰা এই প্ৰতিযোগিতাৰ বৰহোলুং হাইস্কুলত বৃহস্পতিবাৰৰ শৈক্ষিক কাৰ্যসূচী অনুষ্ঠিত হয়। অসম জাতীয়তাবাদী যুৱ-ছাত্ৰ পৰিষদৰ ফিল'বাৰী আঞ্চলিক সমিতিয়ে অঞ্চলটোত শৈক্ষিক বাতাবৰণ সৃষ্টি কৰা উদ্দেশ্যেৰে আৰম্ভ কৰা এই মেগা কুইজ প্ৰতিযোগিতাই অঞ্চলটোত শৈক্ষিক ক্ষেত্ৰত ইতিবাচক প্ৰভাৱ পেলাব বুলি আশা প্ৰকাশ কৰিছে সচেতন লোকে ৷
