তিনিচুকীয়া, ৩১ডিচেম্বৰ : ইংৰাজী নৱবৰ্ষক আদৰিবলৈ সকলোৱে সাজু হৈছে । ৰাজ্যখনৰ ভিন্ন প্ৰান্তৰ বনভোজস্থলীসমূহতো ভিৰ হৈছে । বছৰি আনন্দ উল্লাহৰ মাজতে বহুতে পথ সুৰক্ষা আইন উলংঘা কৰাৰ লগতে দুৰ্ঘটনাত পতিত হয় (Accident in Assam)। সেই বাবে এইবাৰ দুৰ্ঘটনা প্ৰতিৰোধৰ ক্ষেত্ৰত কঠোৰ হৈছে মুখ্যমন্ত্ৰী ড৹ হিমন্ত বিশ্ব শৰ্মা (Assam CM strict on accident prevention)।
ইতিমধ্য়ে জিলা প্ৰশাসনৰ লগতে পৰিবহণ বিভাগক দুৰ্ঘটনা প্ৰতিৰোধৰ ক্ষেত্ৰত ব্যৱস্থা গ্ৰহণৰ বাবে ড৹ হিমন্ত বিশ্ব শৰ্মাই নিৰ্দেশ দিছে । মুখ্যমন্ত্ৰীৰ নিৰ্দেশৰ পাছতে তিনিচুকীয়া জিলাৰ বিভিন্ন প্ৰান্তত আৰক্ষী তথা জিলা পৰিবহণ বিভাগে অভিযান আৰম্ভ কৰিছে (Transport department raid in Tinsukia)। ৰাষ্ট্ৰীয় ঘাইপথত সুৰাপায়ী চালকৰ বিৰুদ্ধে অভিযানৰ অংশ হিচাপে ঠায়ে ঠায়ে এলকহল এনালাইজাৰ লৈ আৰক্ষীয়ে অভিযান চলাইছে (Operation against drunk driving)।
তিনিচুকীয়া চহৰৰ লগতে বিভিন্ন প্ৰান্তত পৰিবহণ বিভাগ, যান-বাহন আৰক্ষীয়ে সুৰাপায়ী চালকৰ বিৰুদ্ধে অভিযান চলায় ৷ বনভোজত সুৰা সেৱন কৰি বাহন চলায় যাতে কোনো লোক দুৰ্ঘটনাগ্ৰস্ত হ'বলগীয়া নহয় তাৰ প্ৰতি লক্ষ্য ৰাখি এই অভিযান চলায় ৷ অৱশ্য়ে সুৰা সেৱন কৰি শুকুৰবাৰে বাহন চলোৱা চালক নাছিল যদিও ৩১ ডিচেম্বৰ আৰু ১ জানুৱাৰীত বিশেষভাৱে ২৪ ঘণ্টাই অভিযান চলাব বুলি কয় জিলা পৰিবহণ বিভাগৰ ভাৰপ্ৰাপ্ত বিষয়া ৰাজীৱ পেগুৱে ৷