বেতজান চাহ বাগিচাত নৈশ চকীদাৰক হত্য়া

তিনিচুকীয়াৰ বেতজান চাহ বাগিচাত কৰ্তব্যৰত অৱস্থাত থকা এগৰাকী নৈশ চকীদাৰক হত্য়া কৰে দুৰ্বৃত্তই ৷ চাহপাত চুৰি কৰিবলৈ আহি দুৰ্বৃত্তই চকীদাৰজনক হত্য়া কৰাৰ সন্দেহ প্ৰকাশ কৰিছে স্থানীয় ৰাইজে ৷

তিনিচুকীয়া,23 জুন:তিনিচুকীয়াৰ মাকুমৰ বেতজান চাহ বাগিচাত সংঘটিত হৈছে এক লোমহৰ্ষক হত্যাকাণ্ড ৷ সোমবাৰে নিশা বাগিচাখনৰ কৰ্তব্যত নিয়োজিত থকা এগৰাকী চকীদাৰক হত্যা কৰি পেলাই থৈ যায় কোনো অচিনাক্ত দুৰ্বৃত্তই ৷ এই হত্য়াকাণ্ডই স্বাভাৱিকতে অঞ্চলটোত সৃষ্টি কৰে তীব্ৰ উত্তেজনাৰ ৷ ঘটনাৰ বিৱৰণী অনুসৰি, জেকি বাইগা নামৰ নৈশ চকীদাৰজনক দুৰ্বৃত্তই দাৰে ঘপিয়াই হত্যা কৰে ৷ নিশা চোৰে চাহপাত চুৰি কৰিবলৈ আহি চকীদাৰজনক হত্যা কৰাৰ সন্দেহ প্ৰকাশ কৰিছে স্থানীয় ৰাইজে ৷

ইফালে ঘটনা সংঘটিত হোৱাৰ 24 ঘণ্টাৰ ভিতৰত হত্যাকাৰীক কৰায়ত্ত কৰি উচিত শাস্তি প্ৰদানৰ দাবীত 37নং ৰাষ্ট্ৰীয় ঘাইপথ অৱৰোধ কৰি উত্তাল প্ৰতিবাদ সাব্যস্ত কৰে আটছাৰ সদস্যসকলে ৷

লগতে চাওকঃসমুদ্ৰ মন্থনৰ সময়ত উঠি অহা কল্পবৃক্ষৰ আছে ঐশ্বৰিক বিশেষত্ব