গৰু বিহুৰ দিনাই বাগানৰ নলাত উদ্ধাৰ হ’ল বাবলুৰ মৃতদেহ

ৰঙালীৰ আনন্দ উচাহৰ মাজতেই ডুমডুমাৰ মানখোৱাত সংঘটিত হৈছে এক চাঞ্চল্যকৰ ঘটনা । মানখোৱা চাহ বাগিছাৰ ফেক্টৰেৰী সমীপত থকা এটা নলাত বাবলু মাহাতু (৩৭) নামৰ এজন লোকৰ মৃতদেহ উদ্ধাৰ কৰা হয় ।

ডুমডুমা, 13 এপ্ৰিল :ৰঙালীৰ আনন্দ উচাহৰ মাজতেই ডুমডুমাৰ মানখোৱাত সংঘটিত হৈছে এক চাঞ্চল্যকৰ ঘটনা । মানখোৱা চাহ বাগিছাৰ ফেক্টৰেৰী সমীপত থকা এটা নলাত বাবলু মাহাতু (৩৭) নামৰ এজন লোকৰ মৃতদেহ উদ্ধাৰ কৰা হয় ।

উল্লেখ্য যে, লোকগৰাকী মঙলবাৰে কামৰ বাবে ঘৰৰ পৰা ওলাই গৈছিল যদিও নিশা পৰ্যন্ত ঘৰলৈ ঘূৰি অহা নাছিল ৷ ইয়াৰ পাচতে লোক জনৰ সন্ধানত বিচাৰ-খোচাৰ আৰম্ভ হয় ৷ কিন্তু আজি পুৱা ভাগলৈকে লোকজনৰ সন্ধান উলোৱা নাছিল ৷

মৃতদেহৰ কাষতেই পৰি আছিল মাহাতুৰ মটৰ চাইকেলখন । বাবলু মাহাতুক হানি-খুচি হত্যা কৰি এইদৰে নলাত পেলাই থৈ যোৱাৰ সন্দেহ কৰিছে স্থানীয় ৰাইজে ৷ ইতিমধ্যে ঘটনা সংঘটিত হোৱা স্থানত আৰক্ষী উপস্থিত মৃতদেহ উদ্ধাৰ কৰি মৰণোত্তৰ পৰীক্ষাৰ বাবে তিনিচুকীয়ালৈ প্ৰেৰণ কৰাৰ লগতে ঘটনা সন্দৰ্ভত তদন্ত আৰম্ভ কৰিছে ৷

লগতে পঢ়ক: কাৰ্বি আংলং-নাগালেণ্ড সীমান্তঞ্চলত বৃহৎ পৰিমানৰ গাঞ্জা জব্দ