শদিয়া, 14 ছেপ্টেম্বৰঃশনিবাৰে তিনিচুকীয়া জিলাৰ কাকপথাৰ মানখোৱাত হোৱা এটা পথ দুৰ্ঘটনাত দহজনৰো অধিক লোক আহত হয় ৷ ডুমডুমাৰ দিশৰ পৰা অহা এখন ভাৰতীয় সেনা বাহিনীৰ গাড়ী আৰু অৰুণাচল প্ৰদেশৰ পৰা অহা AS-23CC-2886 নম্বৰৰ এখন যাত্ৰীবাহী বাছৰ মুখামুখি সংঘৰ্ষত এই দুৰ্ঘটনাতো সংঘটিত হয় ৷
কাকপথাৰৰ মানখোৱাত সেনাবাহিনীৰ গাড়ী-বাছৰ সংঘৰ্ষ দুৰ্ঘটনাটোত এগৰাকী শিশুকে ধৰি পাঁচজন লোকৰ অৱস্থা সংকটজনক হোৱাৰ বিপৰীতে আন পাঁচজন লোক কম বেছি পৰিমাণে আঘাতপ্ৰাপ্ত হয় ৷ প্ৰত্যক্ষদৰ্শীয়ে জনোৱা মতে ভাৰতীয় সেনা বাহিনীৰ গাড়ীখনে তীব্ৰ বেগেৰে আহি বাছখনত খুন্দিওৱাৰ ফলত এই দুৰ্ঘটনাতো সংঘটিত হয় সম্প্ৰতি সংকটজনক অৱস্থাত থকা লোককেইজনক চিকিৎসাৰ বাবে তিনিচুকীয়া অসামৰিক চিকিৎসালয়লৈ প্ৰেৰণ কৰা হৈছে ৷
