কাকপথাৰত মৰেল পুলিচৰ ঘটনা

এজোপা গছত বান্ধি শাৰীৰিকভাৱে অকথ্য নিৰ্যাতন এজন যুৱকক ৷ চুৰি কাৰ্য সংঘটিত কৰাৰ অপৰাধত যুৱকক গছত বান্ধি প্ৰহাৰ একাংশ মৰেল পুলিছৰ ৷ ভাইৰেল সমগ্ৰ ঘটনাৰ ভিডিঅ' ৷

কাকপথাৰ, 30 ডিচেম্বৰ:কাকপথাৰ থানাৰ অন্তৰ্গত ৰুমাইগাভৰুত মৰেল পুলিছগিৰিৰ ঘটনা ৷ এটা চোৰক গছত বান্ধি কেইজনমান যুৱকৰ অকথ্য শাৰীৰিক নিৰ্যাতন ৷ 2 নং ৰুমাইগাভৰু নামৰ গাঁৱখনত সংঘটিত হৈছে এই ঘটনা ৷ পোহৰলৈ আহিছে সমগ্ৰ ঘটনাৰ ভিডিঅ' ৷ অজয় ভুমিজ নামৰ 21 বছৰীয়া যুৱকজনক গাঁৱৰে এটা ঘৰত তিনি হাজাৰ টকা চুৰ কৰাৰ বাবেই এনেদৰে শাস্তি বিহে একাংশ মৰেল পুলিছৰ লোকে ৷

পিচত কাকপথাৰৰ কেইজনমান সাংবাদিকৰ তৎপৰতাত সংকটজনক অৱস্থাত অজয় ভুমিজক আৰক্ষীয়ে উদ্ধাৰ কৰি চিকিৎসালৈ প্ৰেৰণ কৰে ৷ ৰাইজে আইন হাতত তুলি লোৱা কাৰ্যই সমগ্ৰ কাকপথাৰ অঞ্চলত এতিয়া সৃষ্টি কৰিছে তীব্ৰ প্ৰতিক্ৰিয়াৰ ৷

লগতে চাওক-সৰুসজাইত খেলো ইণ্ডিয়াৰ শিখা প্ৰজ্বলন