সাংবাদিকৰ সৈতে বিধায়ক সুৰেন ফুকনৰ মত-বিনিময়

ডিগবৈৰ বিধায়ক সুৰেন ফুকনৰ ডুমডুমা প্ৰেছ ক্লাবৰ সাংবাদিকসকলৰ সৈতে মত-বিনিময় । প্ৰেছ ক্লাৱৰ সাংবাদিকসকলক চেনিটাইজাৰ, মাস্ক, গ্লোভছ, উপহাৰৰ টোপোলা প্ৰদানৰ লগতে ডুমডুমা অঞ্চলৰ বিভিন্ন সমস্যাৰ বুজ লয় বিধায়ক সুৰেন ফুকনে ৷

ডুমডুমা, 16 মে’:ডিগবৈ বিধানসভা সমষ্টিৰ বিধায়ক সুৰেন ফুকনে শুকুৰবাৰে ডুমডুমাত উপস্থিত হৈ ডুমডুমা প্ৰেছ ক্লাৱৰ সাংবাদিকসকলৰ সৈতে এক আলোচনাত মিলিত হয় । ডুমডুমা অঞ্চলৰ বিভিন্ন সমস্যা সম্পৰ্কে বুজ লোৱাৰ লগতে প্ৰেছ ক্লাৱটোৰ প্ৰতিজন সাংবাদিকক একোখনকৈ ফুলাম গামোছাৰে সম্ভাষণ জনায় বিধায়কগৰাকীয়ে ৷ সংবাদসেৱা আগবঢ়াই অহা প্ৰতিগৰাকী সাংবাদিকক ছেনিটাইজাৰ, মাস্ক, গ্লোভছ, উপহাৰৰ টোপোলা প্ৰদান কৰে বিধায়কগৰাকীয়ে ।

ইয়াৰ লগতে, প্ৰেছ ক্লাৱৰ ফালৰ পৰাও বিধায়কগৰাকীক সভাপতি অৰ্জুন বৰুৱাই ফুলাম গামোছাৰে আদৰণি জনায় । এই কাৰ্যসূচীত বিধায়ক সুৰেন ফুকনসহ সহকৰ্মী সূৰজ দে’, চামডাং পঞ্চায়তৰ সভানেত্ৰী শিবানী নায়কো উপস্থিত থাকে ।

লগতে পঢ়ক :ইটিভি ভাৰতৰ বাতৰিৰ প্ৰভাৱঃ ডাষ্টবিন পৰা পি পি কিট পৰিধান সন্দৰ্ভত প্ৰতিক্ৰিয়া নোমল মমিনৰ