কৃষি কৰ্মৰ কাষ চাপিছে মন্ত্ৰী সঞ্জয় কিষাণ

তিনিচুকীয়া বিধান সভা সমষ্টিৰ অন্তৰ্গত লাইপুলি গাওঁ পঞ্চায়তৰ মৰাণকাৰী গাঁৱৰ খেতি পথাৰত ২০০ বিঘা মাটিত মন্ত্ৰীগৰাকীয়ে পথাৰত নিজে ট্ৰেক্টৰ চলাই আৰম্ভ কৰে কৃষিকৰ্ম । অঞ্চলটোৰ কৃষক সকলক সকাহ দিয়াৰ উদ্দেশ্যেই এই চেষ্টা মন্ত্ৰী জনৰ ৷

তিনিচুকীয়া, 17 মেঃ তিনিচুকীয়াত খেতিপথাৰত নামিল ৰাজ্যৰ (স্বতন্ত্ৰ) শ্ৰম আৰু চাহ জনজাতি কল্যাণ মন্ত্ৰী সঞ্জয় কিষান ৷ আত্মনিৰ্ভৰশীল হিচাপে গঢ়ি তুলিবলৈ মন্ত্ৰী সঞ্জয় কিষাণে হাতত লৈছে এক ক্ষুদ্ৰ প্ৰয়াস ৷

সমগ্ৰ বিশ্বজুৰি মহামাৰী ক'ৰণা ভাইৰাছৰ আতংকৰ মাজতে খেতি পথাৰত নামিলে ৰাজ্যৰ শ্ৰম আৰু চাহ জনজাতি কল্যাণ (স্বতন্ত্ৰ) মন্ত্ৰী সঞ্জয় কিষাণ । সমগ্ৰ বিশ্বৰ লগতে দেশৰ এই কঠিন পৰিস্থিতিত কঠোৰ পৰিশ্ৰমৰ জৰিয়তে দেশবাসীক এখন আত্মনিৰ্ভৰশীল ভাৰত গঢ়াৰ হকে সংকল্পবদ্ধ হ'বলৈ আহ্বান জনাইছে দেশৰ প্ৰধানমন্ত্ৰী নৰেন্দ্ৰ মোদীয়ে ৷ স্বদেশী সামগ্ৰীৰ প্ৰসাৰৰ জৰিয়তে দেশৰ অৰ্থনৈতিক ব্যৱস্থা শক্তিশালী কৰাৰ লক্ষ্যৰে দেশৰ প্ৰধানমন্ত্ৰী গৰাকীয়ে ইতিমধ্যে ঘোষণা কৰিছে ২০ লাখ কোটি টকাৰ বিশেষ আৰ্থিক পেকেজ ৷ প্ৰধানমন্ত্ৰীৰ আহ্বান মৰ্মে অসম খনকো আত্মনিৰ্ভৰশীল হিচাপে গঢ়ি তুলিবলৈ অসম চৰকাৰৰ শ্ৰম ও চাহ জনজাতি কল্যাণ (স্বতন্ত্ৰ) মন্ত্ৰী সঞ্জয় কিষাণে হাতত লৈছে এক ক্ষুদ্ৰ প্ৰয়াস ৷ অসমৰ নিবনুৱা যুৱক-যুৱতী সকলক আত্মনিৰ্ভৰশীল হোৱাৰ বাবে উৎসাহিত কৰাৰ উদ্দেশ্যে পথাৰলৈ ওলাই আহে তেঁও ৷ লগতে অঞ্চলটোৰ খেতিয়ক সকলৰ সুবিধাৰ্থে কৃষি বিভাগৰ বিভাগীয় কৰ্তৃপক্ষৰ লগত আলোচনা কৰি যাতে উন্নত বীজ যোগান ধৰি সৰহ উৎপাদন পাব পাৰে, তাৰ প্ৰতি লক্ষ্য ৰাখি দেওবাৰে পুৱাই খেতিপথাৰত নামে মন্ত্ৰীগৰাকী । তিনিচুকীয়া বিধান সভা সমষ্টিৰ অন্তৰ্গত লাইপুলি গাওঁ পঞ্চায়তৰ মৰাণকাৰী গাঁৱৰ খেতি পথাৰত প্ৰায় ২০০ বিঘা মাটিত মন্ত্ৰীগৰাকীয়ে নিজে ট্ৰেক্টৰ চলাই আৰম্ভ কৰে কৃষিকৰ্ম ।

লগতে পঢ়ক- মৰাণত ক্ষুদ্ৰ চাহ খেতিয়ক আৰু শ্ৰমিকৰ মাজত প্ৰশাসনৰ মাস্ক বিতৰণ