ডিৰাকত উপস্থিত অৰুণাচলৰ পৰা অহা শ্ৰমিকৰ দল

অৰুণাচল প্ৰদেশৰ পৰা খোজকাঢ়ি অহা শ্ৰমিকৰ এটা দল মঙলবাৰে উপস্থিত হয় কাকপথাৰৰ ডিৰাকত ৷ অনাহাৰে থকা শ্ৰমিকসকলক খাদ্য যোগান ধৰে মৰাণ ছাত্ৰ সন্থাই ৷ শ্ৰমিকসকলে কৰ্মসূত্ৰে অৰুণাচলত আছিল বুলি জানিব পৰা গৈছে ৷

শদিয়া,6 মে’ঃ দেশত তৃতীয় পৰ্যায়ৰ লক্​ ডাউন আৰম্ভ হোৱাৰ পিছতে অৰুণাচল প্ৰদেশৰ পৰা খোজকাঢ়ি অসমলৈ অহা শ্ৰমিকৰ সোঁত ক্ৰমান্বয়ে বাঢ়িছে ৷ প্ৰদেশখনৰ পিয়ঙৰ মুদৈগেটৰ পৰা ১৫জন আৰু তেজুৰ পৰা ৭জন শ্ৰমিক আহি মঙলবাৰে উপস্থিত হয় তিনিচুকীয়া জিলাৰ কাকপথাৰৰ ডিৰাকত ৷ মুদৈগেটৰ পৰা অহা শ্ৰমিকসকল শোণিতপুৰ জিলাৰ হোৱাৰ বিপৰীতে তেজুৰ পৰা অহাসকল লক্ষীমপুৰৰ বুলি জানিব পৰা গৈছে ৷ কৰ্মসূত্ৰে প্ৰদেশখনত থকা শ্ৰমিকসকলৰ থকা-খোৱাৰ অসুবিধা হোৱা বাবে এনেদৰে খোজকাঢ়ি আহি ডিৰাকত উপস্থিত হয় ৷

শ্ৰমিকসকলক মৰাণ ছাত্ৰ সন্থাই নিশাৰ আহাৰ যোগান ধৰাৰ লগতে বিষয় সন্দৰ্ভত অসম চৰকাৰৰ হস্তক্ষেপ বিচাৰি বাছৰ ব্যৱস্থা কৰিবলৈ চৰকাৰক আহ্বান জনাই সংগঠনটোৱে ৷

লগতে চাওকঃকোকৰাঝাৰত এগৰাকী ব্যক্তিৰ দেহত চিনাক্ত COVID-19