শদিয়া, ৪ জুন: ক'ভিড-১৯ৰ ভয়াৱহতা সন্দৰ্ভত ৰাইজক সজাগ কৰাৰ উদ্দেশ্যেৰে বৰ্তমান চৰকাৰ, বহু দল-সংগঠনে বিভিন্ন কাৰ্যসূচী হাতত লৈছে । বিনামূলীয়াকৈ মাস্ক, ছেনিটাইজাৰ বিতৰণ কৰি সজাগতা সৃষ্টিৰ প্ৰয়াস কৰিছে । আনহাতে, কৰ'ণাৰ সংক্ৰমণ ৰোধৰ বাবে প্ৰশাসনেও গ্ৰহণ কৰিছে কঠোৰ ব্যৱস্থা ।
তিনিচুকীয়া জিলাৰ কাকপথাৰৰ কাছিজানতো গাঁৱৰ যুৱ সংঘই গাঁওবাসীৰ মাজত মাস্ক বিতৰণ কৰে । গাঁওখনৰ লোকে যাতে নিজকে মহামাৰীৰ কবলৰ পৰা ৰক্ষা কৰিব পাৰে তাৰ বাবে সজাগ কৰাৰ প্ৰয়াস কৰে যুৱ সংঘই । লগতে ক'ভিড-১৯ৰ সংক্ৰমণ ৰোধৰ বাবে চৰকাৰে নিৰ্ধাৰণ কৰি দিয়া নিয়ম মানি চলিবলৈ ৰাইজক আহ্বান জনায় ।