পঞ্চায়তৰ সভাপতিৰ বিৰুদ্ধে অবৈধ কাঠ সৰহবৰাহৰ অভিযোগ

মাৰ্ঘেৰিটাত জাগুন আহোম পথাৰত অবৈধ কাঠ সৰবৰাহকলৈ চাঞ্চল্য ৷ জাগুন পঞ্চায়তৰ সভাপতি আৰু স্থানীয় বিজেপি কৰ্মী জড়িত থকাৰ অভিযোগ ৷

মাৰ্ঘেৰিটা,21 ফেব্ৰুৱাৰী: মাৰ্ঘেৰিটাৰ জাগুনত নৱনিৰ্মিত পথৰে অবৈধ কাঠ সৰবৰাহকলৈ লৈ চাঞ্চল্য ৷ জাগুনৰ আহোম পথাৰত নৱনিৰ্মিত পথৰ ওপৰেদি বৃহস্পতিবাৰে নিশা এখন কাঠ ভৰ্তি পিক আপ ভান পাৰ হৈ যোৱাক কেন্দ্ৰ কৰি দুটা পক্ষৰ মাজত বাক বিতণ্ডাৰ সৃষ্টি হয় ৷ গাড়ীখনত কঢ়িয়াই লৈ যোৱা কাঠখিনি জাগুন পঞ্চায়তৰ সভাপতিৰ বুলি অভিযোগ ৷ ঘটনা অনুসৰি় নতুনকৈ নিমাৰ্ণ কৰি থকা পথটোৰ ওপৰেৰে কাঠ ভৰ্তি গাড়ীখন পাৰ হৈ যোৱাক বাধা প্ৰদান কৰে স্থানীয় লোকে ৷ কিন্তু স্থানীয় বিজেপে কৰ্মী কেইজনমানে এই কাৰ্যত বাধা প্ৰদান কৰাত দুয়ো পক্ষৰ মাজত বাক-বিতণ্ডাৰ সৃষ্টি হয় ৷ উক্ত অঞ্চললৈ সাংবাদিক যোৱাৰ কথা জানি তাত উপস্থিত থকা বিজেপিৰ কেইজন কৰ্মীয়ে গাড়ীখনক পলাই যাবলৈ নিৰ্দেশ দিয়ে ৷ ইফালে নিতৌ মাজনিশা এই পথেদি পাৰ হয় অবৈধ কাঠ ভৰ্তি গাড়ী ৷

এতিয়া সহজে প্ৰশ্ন উত্থাপন হয় যে যদি গাড়ীখনত অবৈধ কাঠ নাছিল তেন্তে কিয় গাড়ীখন পলোৱাত সহায় কৰিলে বিজেপি কৰ্মীয়ে ! স্বয়ং পঞ্চায়তৰ গাড়ীত সন্ধিয়া পাৰ হৈছিল নি অবৈধ কাঠ?

লগতে পঢ়ক:জাঁজী নদীৰ খহনীয়া প্ৰতিৰোধত দুৰ্নীতিৰ অভিযোগ