মাৰ্ঘেৰিটা, 22 ছেপ্টেম্বৰঃমাৰ্ঘেৰিটা মহকুমাৰ লেখাপানী আৰক্ষী থানাৰ অন্তৰ্গত লেখাপানীৰ টিপং ৰাছিয়ান কলনীত শোকৱহ ঘটনা ৷ PUB-G খেল খেলিবলৈ বাধা প্ৰদান কৰাত ঘৰৰ পৰা ওলাই আহি সন্ধানহীন হৈছিল লেখাপানীৰ টিপং ৰাছিয়ান কলনী গাঁৱৰ ছামিম হুছেইন (১৫) নামৰ এটি কিশোৰ ৷
জানিব পৰা মতে, সন্ধাহীন হোৱা কিশোৰজনক ম’বাইলত PUB-G খেলত অবিৰত ভাবে ব্যস্ত হোৱাত ঘৰত পৰিয়ালে বাধা প্ৰদান কৰিছিল । PUB-G খেল খেলিবৰ বাবে বাধা প্ৰদান কৰাৰ বাবেই মাজনিশা ঘৰৰ পৰা উলাই আহিছিল কিশোৰজন ৷ পৰিয়ালৰ লোকে পিচত বহু সময় ধৰি যুৱকজনৰ সন্ধান নোপোৱাত লেখাপানী আৰক্ষী থানাত অৱগত কৰে ৷ আৰক্ষীয়ে নিশা সন্ধান চলায় যদিও কিশোৰজনক উদ্ধাৰ কৰিবলৈ সক্ষম নহয় ।
দেওবাৰে তিনিসূঁটি ঘাটত এটা মৃতদেহ গাঁৱৰ ৰাইজে প্ৰত্যক্ষ কৰি আৰক্ষীক অৱগত কৰে । মৃতদেহটো উদ্ধাৰ হোৱাৰ পাছতে উক্ত মৃদেহটো সন্ধানহীন হোৱা কিশোৰ ছামিম হুছেইনৰ বুলি চিনাক্ত কৰে পৰিয়ালৰ লোকে ।
