সৎ সাহস আছে যদি উচিত তদন্ত কৰক: ৰকিবুল হুছেইন

মাৰ্ঘেৰিটা অঞ্চলৰ কয়লা খনন অঞ্চল মঙলবাৰে ৰকিবুল হুছেইন সহ প্ৰাক্তন সংসদীয় সচিব সুশান্ত বুঢ়াগোহাই,প্ৰাক্তন মন্ত্ৰী প্ৰণতি ফুকনকে আদি কৰি বিভিন্ন বিষয়ববীয়াই উক্ত অঞ্চল পৰ্যবেক্ষণ কৰে ৷ অনতিপলমে কয়লা খননৰ বিৰুদ্ধে তদন্তৰ দাবী জনাই মন্ত্ৰী কেই গৰাকীয়ে ৷

মাৰ্ঘেৰিটা, 2 জুন : মঙলবাৰে বিৰোধী দলপতি ৰকিবুল হুছেইন সহ প্ৰাক্তন সংসদীয় সচিব সুশান্ত বুঢ়াগোহাই,প্ৰাক্তন মন্ত্ৰী প্ৰণতি ফুকনকে আদি কৰি কেইবাজনো ৰাজ্যিক আৰু জিলা পৰ্যায়ৰ বিষয়ববীয়া লিডুৰ শালেকি গাঁৱৰ লগতে টিককৰ মুক্ত খনন স্থলী পৰিদৰ্শন কৰে । উক্ত স্থানত উপস্থিত হৈ ৰকিবুল হুছেইনে কয়লাৰ মুক্ত খনন সন্দৰ্ভত উচিত তদন্তৰ দাবী জনাই ৷ আনকি উপ দলপতি গৰাকীয়ে চৰকাৰক উচিত তদন্তৰ বাবে প্ৰত্যাহ্বান জনাই ৷

আনহাতে, প্ৰাক্তন মন্ত্ৰী প্ৰণতি ফুকনে ও অতিশীঘ্ৰে কেন্দ্ৰীয় চৰকাৰৰ অনুমতি বাতিল কৰি জৈৱ বৈচিত্ৰ ৰক্ষা কৰিব লাগে বুলি দাবী জনায় ।

উল্লেখযোগ্য যে, তিনিচুকীয়া জিলাৰ ডিগবৈ বন সংমণ্ডলৰ অধীনৰ লেখাপানী আঞ্চলিক বন বিষয়া কাৰ্যালয়ৰ অন্তৰ্গত চালেকি গাঁৱত শেহতীয়াকৈ ৯৮.৫৯০ হেক্টৰ সেউজীয়া পাহাৰ ভূমি কেন্দ্ৰীয় বন আৰু পৰিৱেশ মন্ত্ৰালয়ে উত্তৰ-পূৱ কয়লা ক্ষেত্ৰ মাৰ্ঘেৰিটাক খননৰ কৰ্তৃত্ব প্ৰদান কৰাত চৰজমিন অনুসন্ধানৰ বাবে আজি কংগ্ৰেছৰ দলটোৱে এই অঞ্চল পৰিভ্ৰমণ কৰে ।

লগতে পঢ়ক : প্ৰমাণিত হ'ল প্ৰধানমন্ত্ৰী কিষাণ সন্মান নিধি আঁচনিৰ কেলেংকাৰী