অৰুণাচলৰ জয়ৰামপুৰত প্ৰথম আন্তঃজিলা বেডমিণ্টন প্ৰতিযোগিতা

চাংলাং জিলাৰ বেডমিণ্টন এছ'চিয়েচনৰ উদ্যোগত আৰু অৰুণাচল চৰকাৰ বেডমিণ্টনৰ এছ'চিয়েচনৰ সহযোগত অনুষ্ঠিত হয় প্ৰতিযোগিতাখন ৷

মাৰ্ঘেৰিটা, 14 আগষ্ট : অৰুণাচল প্ৰদেশৰ চাংলাং জিলাৰ জয়ৰামপুৰৰ টেৰীস্থিত ইনণ্ডোৰ ষ্টেডিয়ামত বুধবাৰৰ পৰা দুদিনীয়া কাৰ্যসূচীৰে অনুষ্ঠিত হয় প্ৰথম আন্তঃজিলা বেডমিণ্টন প্ৰতিযোগিতা ৷ চাংলাং জিলাৰ বেডমিণ্টন এছ'চিয়েচনৰ উদ্যোগত আৰু অৰুণাচল চৰকাৰ বেডমিণ্টন এছ'চিয়েচনৰ সহযোগত অনুষ্ঠিত হোৱা প্ৰতিযোগিতাখন উদ্ধোধন কৰে মুখ্য অতিথি হিচাপে উপস্থিত থকা অৰুণাচল প্ৰদেশৰ বৰডুমচা-ডায়েউন সমষ্টিৰ বিধায়ক চামলুং মচাংঙে । মচাংঙে খেলখন উদ্ধোধন কৰি আয়োজক সমিতিক এক লাখ টকাৰ আৰ্থিক অনুদান প্ৰদান কৰে ৷

প্ৰতিযোগিতাখনত চাংলাং জিলাৰ অন্তৰ্গত নামপুং, মেও, বৰডুমচা, চাংলাং ,ডায়োউন, জয়ৰামপুৰ আদি বিভিন্ন ঠাইৰ প্ৰায় আঠটা দলৰ চল্লিশগৰাকী পুৰুষ মহিলা খেলুৱৈয়ে অংশগ্ৰহণ কৰে । উদ্ধোধনী অনুষ্ঠানত উপস্থিত থাকে জয়ৰামপুৰ সমষ্টিৰ বিধায়ক লাইছাম চিমাই, জয়ৰামপুৰৰ অতিৰিক্ত জিলা উপায়ুক্ত এছ এছ চৌধাৰী, জয়ৰামপুৰস্থিত 13 নং অসম ৰাইফলছৰ কামাণ্ডেণ্ট মানিশ শৰ্মা ৷