পত্নী-কন্যাক হত্যা কৰি অৱশেষত হত্যাকাৰীৰো মৃত্যু ৰাইজৰ প্ৰহাৰত

তিনিচুকীয়াত লোমহৰ্ষক হত্যাকাণ্ড ৷ ডুমডুমাৰ দৈদাম চাহ বাগিচাৰ গুৰগুৰি লাইনত সংঘটিত হৈছে লোমহৰ্ষক হত্যাকাণ্ড ৷ স্বামীয়ে হত্যা কৰিলে পত্নীসহ কন্যাক ৷ দৈদাম চাহ বাগিচাৰ গুৰগুৰি লাইনৰ ঠাকুৰ মন্দিৰৰ সমীপত বাস কৰা জিতেন চাওঁতাল নামৰ ব্যক্তি গৰাকীয়ে পত্নীসহ নিজ কন্যাক ডিঙি কাটি হত্যা কৰে ৷

ডুমডুমা, 9 জানুৱাৰী: তিনিচুকীয়াত স্বামীৰ হাতত পত্নী আৰু কন্যাই মৃত্যুক সাৱটি লোৱাৰ এক লোমহৰ্ষক হত্যাকাণ্ড সংঘটিত হৈছে ৷ তিনিচুকীয়াৰ ডুমডুমাৰ দৈদাম চাহ বাগিছাৰ গুৰগুৰি লাইনত এই হত্যাকাণ্ড সংঘটিত হৈছে ৷

প্ৰাপ্ত তথ্য অনুসৰি দৈদাম চাহ বাগিচাৰ গুৰগুৰি লাইনৰ ঠাকুৰ মন্দিৰৰ সমীপত বাস কৰা জিতেন চাওঁতাল নামৰ লোকজনে পত্নী সুষমা চাওঁতাল সহ চাৰি বছৰীয়া কন্যা জোনালী চাওঁতালক ডিঙি কাটি হত্যা কৰে ৷ পত্নী-কন্যাক হত্যা কৰাৰ পাছতেই ৰাইজৰ প্ৰহাৰত হত্যাকাৰী জিতেন চাঁওতালেও মৃত্যুক সাৱটি লয় বুলি জানিব পৰা গৈছে ৷

নিচাসক্ত অৱস্থাত কোনো পাৰিবাৰিক কাৰণত পত্নী কন্যাক অভিযুক্ত জিতেন চাঁওতালে হত্যা কৰে বুলি স্থানীয় ৰাইজে সন্দেহ প্ৰকাশ কৰিছে ৷ উল্লেখ্য যে উক্ত ঘটনা সংঘটিত হোৱাৰ পাছতেই স্থানীয় ৰাইজ উত্তেজিত হৈ হত্যাকাৰী জিতেনক ধৰি মাৰপিট কৰাৰ পাছতে জিতেন চাঁওতালৰো মৃত্যু হয় ৷

স্থানীয় ৰাইজে জানিবলৈ দিয়া মতে হত্যাকাৰী জিতেন প্ৰায় এবছৰ পূৰ্বে মানসিকভাৱে কিছু বিকাৰগ্ৰস্ত হৈ পৰিছিল ৷ ঘটনাস্থলীত বৰ্তমান আৰক্ষী উপস্থিত হৈ তদন্ত আৰম্ভ কৰিছে ৷

লগতে পঢ়ক:নাৰায়ণপুৰত পুত্ৰই হত্যা কৰিলে মাতৃক