তিনিচুকীয়া, 11 ডিচেম্বৰ : সদৌ অসম ছাত্ৰ সন্থা প্ৰাক্তন সাধাৰণ সম্পাদক লুৰিণজ্যোতি গগৈক শুকুৰবাৰে তিনিচুকীয়াতো ৰাজহুৱা বিদায় সম্বৰ্ধনা জনোৱা হয় ৷ অসমৰ বিভিন্ন জিলাৰ দৰে তিনিচুকীয়াত সদৌ অসম ছাত্ৰ সন্থাৰ তিনিচুকীয়া জিলাৰ সমিতি, বিভিন্ন জাতীয় দল-সংগঠন আৰু বিভিন্ন প্ৰান্তৰ পৰা অহা অনুৰাগীয়ে প্ৰথমে বৰলাইপুলিৰ লুৰিণজ্যোতি গগৈৰ বাসগৃহৰ পৰা এক বিশাল বাইক ৰেলীৰে থানা চাৰিআলিত উপস্থিত হয় ।
অসমীয়া জাতীয় জীৱনত আপোচবিহীন অপৰাজেয় সৈনিক হ'ব বিছাৰো
ইয়াৰ পিচতে গায়ন-বায়নেৰে চেনাইৰাম উচ্চতৰ মাধ্যমিক বিদ্যালয়লৈ পদযাত্ৰাৰে লুৰিণজ্যোতি গগৈক আদৰি নিয়ে আছু কৰ্মী সকলে । তেখেতৰ এই বিদায় সম্বৰ্ধনা অনুষ্ঠানত তিনিচুকীয়া মহাবিদ্যালয়ৰ অধ্যক্ষ শ্ৰীযুত ৰানা চাংমাই, চেনাইৰাম উচ্চতৰ মাধ্যমিক বিদ্যালয়ৰ অধ্যক্ষা আৰু কেইবাটাও দল-সংগঠনৰ নেতৃত্ব উপস্থিত থাকে ।