বান-খহনীয়া প্ৰতিৰোধৰ দাবীৰে কৃষক মুক্তিৰ উত্তাল প্ৰতিবাদ

খহনীয়া(Erosion) সমস্যাৰ স্থায়ী সমাধানৰ দাবীৰে তিনিচুকীয়াত সোমবাৰে বিক্ষোভ প্ৰতিবাদী কাৰ্যসূচী ৰূপায়ণ কৰে কৃষক মুক্তি সংগ্ৰাম সমিতিয়ে(KMSS) ৷ বানাক্ৰান্তসকলক ক্ষতিপূৰণ, সংস্থাপন আৰু বান-খহনীয়া প্ৰতিৰোধৰ বাবে ব্যৱস্থা গ্ৰহণ কৰিবলৈ চৰকাৰক আহ্বান জনায় সংগঠনটোৱে ৷

তিনিচুকীয়া, 24 আগষ্ট :তিনিচুকীয়াত সোমবাৰে বিক্ষোভ প্ৰতিবাদী কাৰ্যসূচী ৰূপায়ণ কৃষক মুক্তি সংগ্ৰাম সমিতি(KMSS), ছাত্ৰ মুক্তি সংগ্ৰাম সমিতিৰ(SMSS) লগতে কেইবাটাও সংগঠনৰ ৷ খহনীয়া(Erosion) সমস্যাৰ স্থায়ী সমাধানৰ দাবীৰে জিলা উপায়ুক্তৰ কাৰ্যালয়ৰ সন্মুখত প্ৰতিবাদ সাব্যস্ত কৰে কৃষক মুক্তিয়ে ৷

প্ৰতিবাদৰ জৰিয়তে বানাক্ৰান্ত পৰিয়ালক ক্ষতিপূৰণ, সংস্থাপন আৰু বান-খহনীয়াৰ সমস্যাৰ স্থায়ী সমাধান কৰিবলৈ চৰকাৰক দাবী জনায় সংগঠনকেইটাই ৷ 1992 চনৰ পৰা তিনিচুকীয়াৰ কৰ্দৈগুৰি অঞ্চল বান আৰু খহনীয়াৰ কবলত পৰি আহিছে । ডাঙৰী নৈৰ গৰাখহনীয়াৰ ফলত নৈৰ বুকুত বিলীন হৈছে অঞ্চলটোৰ প্ৰায় 22 খনকৈ গাঁও ।

লগতে পঢ়ক:দিখৌমুখত এখন বিদ্যালয় জাহ যোৱাৰ উপক্ৰম; গৰাখহনীয়াৰ স্থায়ী সমাধান কেতিয়া ?

বিগত বহু বছৰ ধৰি অঞ্চলটোৰ কেইবাখনো গাঁৱৰ ৰাইজে নিজৰ ঘৰ-বাৰী হেৰুৱাই বাস কৰি আছে অস্থায়ী শিবিৰত । অঞ্চলটোৰ এই সমস্যা সমাধানৰ কাৰণে কোনো এখন চৰকাৰেই কোনোধৰণৰ ইতিবাচক ব্যৱস্থা গ্ৰহণ নকৰাৰ অভিযোগ উত্থাপন হৈছে । সেয়েহে মুখ্যমন্ত্ৰী ড৹ হিমন্ত বিশ্ব শৰ্মা(Himanta Biswa Sarma) নেতৃত্বাধীন চৰকাৰক খহনীয়া প্ৰতিৰোধৰ ব্যৱস্থা কৰি আশ্ৰয়হীন গাঁওবাসীক উদ্ধাৰ কৰিবলৈ আহ্বান জনায় কৃষক মুক্তিয়ে ৷

উক্ত প্ৰতিবাদত কৃষক মুক্তিৰ লগতে অংশগ্ৰহণ কৰে তালাব কৰ্দৈগুৰি অঞ্চলৰ বিভিন্ন জাতি-জনগোষ্ঠীয় দল-সংগঠন আৰু যুৱ সংঘসমূহে ৷

লগতে পঢ়ক:মানচিত্ৰৰ পৰা হেৰাই যাব নেকি পাভ অভয়াৰণ্য ?