CAA, EIA বাতিলৰ দাবীত কাকপথাৰত আছুৰ জোঁৰ সমদল

সদৌ অসম ছাত্ৰ সন্থাৰ কাকপথাৰ আঞ্চলিকৰ উদ্যোগত সোমবাৰে তিনিচুকীয়া জিলাৰ কাকপথাৰত জোৰ সমদলৰ এক প্ৰতিবাদী কাৰ্যসুচী ৰূপায়িত কৰা হয় ৷ নাগৰিকত্ব সংশোধনী আইন-২০১৯ ৰ বাতিল , ই আই এ 2020ৰ খচৰা বাতিলৰ দাবীত কাকপথাৰত এই জোৰ সমদল কাৰ্যসুচী গ্ৰহণ কৰা হয় ৷

শদিয়া, 15 ছেপ্তেম্বৰ নেৰানেপেৰা বৰষুণকো নেওচি কাকপথাৰ ৰাজহুৱা খেল পথাৰৰ পৰা আৰম্ভ কৰা এই জোৰ সমদল কায্যসূচীত ভাগ লয় চহৰখনৰ শতাধিক লোকে৷ কাকপথাৰ টাউনৰ মাজ মজিয়াৰ মূল পথেৰে যাত্ৰা কৰা এই প্ৰতিবাদী জোৰ সমদলত কা আমি নেমানো, ই আই এ ২০২০ৰ খচৰা বাতিল কৰক, বিজেপি নিপাত যাওক, বিজেপি গ’ বেক আদি বিভিন্ন শ্লোগানেৰে কাকপথাৰৰ পৰিবেশ কৰি তোলে উত্তাল ।

জোৰ সমদলটোৱে চহৰখন পৰিভ্ৰমণ কৰাৰ অন্তত কাকপথাৰ আৰক্ষী থানাৰ নিচেই সমীপতে থকা চাৰিআলি চকত ৰাষ্ট্ৰীয় ঘাইপথৰ ওপৰতে এখন প্ৰতিবাদী সভা অনুষ্ঠিত কৰে । প্ৰতিবাদী সভাত আছুৰ লগতে বিভিন্ন দলৰ সংগঠনৰ স্থানীয় বিষয় ববীয়া সকলেও CAA আৰু EIA2020 বাতিলৰ দাবীৰে আগবঢ়াই নিজৰ নিজৰ বক্তব্য ।

লগতে পঢ়কঃ বৰ্ষাপাৰাত অত্যাধুনিক জিমনেচিয়ামৰ নিৰ্মাণকাৰ্যৰ শুভাৰম্ভ