তিনিচুকীয়া, 14 এপ্ৰিল : আজি গৰু বিহু । কৃষিজীৱি অসমীয়াৰ প্ৰাণৰো প্ৰাণ বিহুটিক লৈ ৰাজ্যৰ ভিন্ন প্ৰান্তত পাৰাপাৰ হীন উচাহৰ ঢল দেখিবলৈ পোৱা গৈছে । সাতাম পুৰুষীয়া ৰীতি নীতি মানি কৃষিজীৱী ৰাইজে পালন কৰিছে গৰু বিহু । গঞাৰ চোতালে চোতালে দেখা পোৱা গৈছে গৰু বিহুৰ মাদকতা । গৰু বিহুৰ দিনা গৃহস্থই পথাৰত, নৈত বা পুখুৰীত আটোম-টোকাৰীকৈ গা ধুৱাই গৰুৰ গাত মা হালধি সানি দিয়ে (Goru bihu celebreated in Assam) ।
ৰাজ্যৰ বিভিন্ন প্ৰান্তৰ দৰে তিনিচুকীয়া জিলাৰ মাকুমত পালন কৰা হয় গৰু বিহু ৷ লাও, বেঙেনা, থেকেৰা, কেৰেলা, হালধিৰে গৰুক গা ধুৱাই গৰুৰ দেহৰ শ্ৰী বৃদ্ধিৰ কামনা কৰে ৷ লগতে ‘‘লাও খা বেঙেনা খা বছৰে বছৰে বাঢ়ি যা, মাৰে সৰু বাপেৰে সৰু তই হবি বৰ বৰ গৰু’’ বুলি সকলোৱে নাম জুৰি গাত মাখিয়তী পাতেৰে গৰুৰ গাত কোবাই গৰু বিহু পালন কৰে মাকুমৰ ৰাইজে । সমগ্ৰ অঞ্চলৰ ৰাইজে একগোট হৈ পৰম্পৰাগত ৰীতি-নীতিৰে গৰুক গা ধুওৱা দেখিবলৈ পোৱা যায় (Goru bihu celebreated in Tinsukia) ।