তিনিচুকীয়াত ভয়ংকৰ অগ্নিকাণ্ড

তিনিচুকীয়া জিলাৰ মাকুম অঞ্চলৰ অন্তৰ্গত বজালনী নগাঁৱত ভয়ংকৰ অগ্নিকাণ্ড ৷ জুইত জাহ গ'ল বহু গুৰুত্বপূৰ্ণ নথিপত্ৰৰ লগতে সা-সম্পত্তি ৷

তিনিচুকীয়া,4 মাৰ্চঃবৃহস্পতিবাৰে পুৱা তিনিচুকীয়া জিলাৰ মাকুম অঞ্চলৰ অন্তৰ্গত বজালনী নগাঁৱত সংঘটিত হয় এক ভয়ংকৰ অগ্নিকাণ্ড । ফলত জাহ যায় এটা পৰিয়ালৰ বাসগৃহৰ লগতে বহু পৰিমাণৰ সা-সম্পত্তি ৷

প্ৰাপ্ত তথ্য অনুসৰি, বৈদ্যুতিক বিজুতি ঘটাৰ ফলতে বজালনী নগাঁৱৰ বাসিন্দা ধনী মৰাণৰ বাসগৃহত সূত্ৰপাত ঘটে জুইৰ ৷ নিমিষতে জুইৰ লেলিহান শিখাৰ লগতে ক’লা ধোঁৱাই চানি ধৰে সমগ্ৰ অঞ্চলটো ৷

তিনিচুকীয়াত ভয়ংকৰ অগ্নিকাণ্ড

স্থানীয় ৰাইজৰ তৎপৰতাত জুই নিৰ্বাপন কৰিবলৈ সক্ষম হয় যদিও এই অগ্নিকাণ্ডৰ ফলত বহু সা-সম্পত্তি ভস্মীভূত হয় ৷

লগতে পঢ়কঃদিল্লীৰ বায়ুৰ মানদণ্ড নিম্নগামী হোৱাৰ সম্ভাৱনা