বিধ্বংসী অগ্নিকাণ্ডত সম্পূৰ্ণৰূপে জাহ গ’ল এটা বাসগৃহ
তিনিচুকীয়া, ১২ ডিচেম্বৰ: তিনিচুকীয়া জিলাৰ ডুমডুমাত ভয়ংকৰ অগ্নিকাণ্ড (Fire in Tinsukia)৷ ডুমডুমাৰ সমীপৰ বৰহাপজানৰ হুলুটুপু ১ নম্বৰ লাইনত এক সংঘটিত হয় এই বিধ্বংসী অগ্নিকাণ্ডৰ ঘটনা । অগ্নিকাণ্ডত হুলুটুপু ১ নম্বৰ লাইন নিবাসী ফাগু মুণ্ডা নামৰ লোকজনৰ বাসগৃহ সম্পূৰ্ণৰূপে ধবংসপ্ৰাপ্ত হয় ।
বাসগৃহটোত কেনেদৰে অগ্নিকাণ্ডৰ সূত্ৰপাত হ'ল সেয়া বৰ্তমানলৈকে জানিব পৰা হোৱা নাই । অগ্নিকাণ্ডটোৰ ফলত বাসগৃহটোত থকা ধন-সম্পত্তি, বয়-বস্তু তথা সকলো সামগ্ৰী সম্পূৰ্ণৰূপে ভষ্মীভূত হোৱা বুলি জানিবলৈ পৰা গৈছে ৷ পৰিয়ালৰ লোক বিশেষভাৱে হতাহত হোৱা নাই যদিও ফাগু মুণ্ডাৰ ২০ বছৰীয়া পুত্ৰ সামান্য পৰিমাণে আঘাতপ্ৰাপ্ত হোৱা বুলি জানিব পৰা গৈছে ।