তালাপ লাইনাত আৰক্ষী-আবকাৰী বিভাগৰ অভিযান

অবৈধ চুলাই মদৰ বিৰুদ্ধে তিনিচুকীয়াত অব্যাহত আছে আৰক্ষী আৰু আবকাৰী বিভাগৰ অভিযান

তিনিচুকীয়া, ২৮ ফেব্ৰুৱাৰীঃ অবৈধ চুলাই মদৰ বিৰুদ্ধে তিনিচুকীয়াত অব্যাহত আছে আৰক্ষী আৰু আবকাৰী বিভাগৰ অভিযান ৷ বৃহস্পতিবাৰে ডুমডুমাৰ তালাপ লাইনাত যথেষ্ট সংখ্যক চুলাই মদৰ ঘাটিত উচ্ছেদ চলায় আবকাৰী বিভাগে ৷ উল্লেখ্য যে, চুলাই মদৰ ঘাটি ৰূপে খ্যাত তালাপ লাইনাত কেইবাবছৰ ধৰি অবৈধ চুলাই মদৰ ব্যৱসায় চলাই আহিছিল একাংশ অসাধু ব্যৱসায়ীয়ে ৷ কিন্তু আৰক্ষী তথা আবকাৰী বিভাগে এই ঘাটিসমূহ উচ্ছেদ কৰিবলৈ সক্ষম হোৱা নাছিল ৷

বৃহস্পতিবাৰে CRPF বাহিনী লৈ আটছাৰ সহযোগত আৰক্ষী আৰু আবকাৰী বিভাগে তালাপ লাইনত অভিযান চলায় । অভিযানৰ সময়ত চুলাই মদ প্ৰস্তুত কৰা সামগ্ৰী জব্দ কৰিবলৈ সক্ষম কৰাৰ লগতে গাঁতত পুতি থোৱা অৱস্থাত চুলাই প্ৰস্তুত কৰা সামগ্ৰীসমূহ উদ্ধাৰ কৰে । অভিযানকাৰী দলটোৱে কোনো লোকক আটক কৰা নাই যদিও চুলাই মদ প্ৰস্তুত কৰা সামগ্ৰীসমূহ জব্দ কৰাক লৈ সন্তুষ্টি প্ৰকাশ কৰিছে স্থানীয় ৰাইজে ৷