শদিয়াৰ বান বিধ্বস্ত এলেকা পৰিদৰ্শন প্ৰাক্তন মন্ত্ৰী জগদীশ ভূঞাৰ

বুধবাৰে শদিয়া সমষ্টিৰ ভিন্ন বান বিধ্বস্ত অঞ্চল পৰিদৰ্শন কৰি বানাক্ৰান্তৰ সাম্প্ৰতিক পৰিস্থিৰ বুজ লয় প্ৰাক্তন মন্ত্ৰী জগদীশ ভূঞাই ৷ লগতে শদিয়াৰ ঘোৰামৰা গাঁৱত বন্যহস্তীৰ উপদ্ৰবৰ ফলত ক্ষতিগ্ৰস্ত পৰিয়ালসমূহৰো পৰিস্থিতিৰো বুজ লয় প্ৰাক্তন মন্ত্ৰী গৰাকীয়ে ৷

শদিয়া, 1 জুলাইঃ বুধবাৰে শদিয়া সমষ্টিৰ বান বিধ্বস্ত এলেকা পৰিদৰ্শন কৰে প্ৰাক্তন মন্ত্ৰী জগদীশ ভূঞাই ৷ প্ৰাক্তন বিধায়ক জগদীশ ভূঞাই ১২৬ নং শদিয়া সমষ্টিৰ অন্তৰ্গত বৃহত্তৰ কাকপথাৰ, তালাপ, ডাঙৰী, ধলা, শদিয়া আদি অঞ্চলৰ শিবিৰসমূহ পৰদৰ্শন কৰি বানাক্ৰান্ত ৰাইজৰ পৰিস্থিতিৰ বুজ লয় ৷ লগতে বিভিন্ন আশ্ৰয় শিবিৰত তেওঁ বানাক্ৰান্ত সকলৰ মাজত খাদ্য সামগ্ৰী, আৰ্থিক অনুদান আগবঢ়োৱাৰ লগতে, থকাৰ ব্যৱস্থাৰ বাবে টিৰপাল আদি বিতৰণ কৰে ৷

ইয়াৰ সমান্তৰালকৈ প্ৰাক্তন মন্ত্ৰী গৰাকীয়ে শদিয়াৰ ঘোঁৰামৰা গাঁৱত বিগত কেইবাদিনৰ পৰা, বন্যহস্তীয়ে কৰি অহা উপদ্ৰৱৰ ফলত ক্ষতিগ্ৰস্ত পৰয়ালসমূহৰো বুজ লয় ৷ ক্ষতিগ্ৰস্ত লোকৰ মাজত উপস্থিত হৈ ৰাইজক সকাহ দিবলৈ, যাবতীয় ব্যৱস্থা গ্ৰহণৰ বাবে বিভাগীয় কৰ্তৃপক্ষৰ সৈতে ফোনযোগে বাৰ্তালাপ কৰে প্ৰাক্তন মন্ত্ৰী গৰাকীয়ে ৷

লগতে পঢ়কঃজীয়াধল নদীত উটি আহিল পিপিই কিট আৰু অন্যান্য সামগ্ৰী