তিনিচুকীয়া,5 মে’: অসম তথা উত্তৰ পূৰ্বাঞ্চলত বসবাস কৰা আদিম ভূমিপুত্ৰ মৰাণ জনজাতিৰ একমাত্ৰ ঐক্যবদ্ধ ছাত্ৰ সংগঠন সদৌ মৰাণ ছাত্ৰ সন্থাই বুধবাৰে গৌৰৱোজ্বল ৫৩ টা বৰ্ষত ভৰি দিয়ে । তদুপলক্ষে সংগঠনটোৰ প্ৰতিষ্ঠা দিৱস তিনিচুকীয়াৰ বৰগুৰিস্থিত কেন্দ্ৰীয় কাৰ্যালয়ৰ প্ৰাংগণত প্ৰশাসনৰ নীতি-নিৰ্দেশনা পালন কৰি অনুষ্টুপীয়াকৈ অনুষ্ঠিত কৰা হয় ।
তিনিচুকীয়াত সদৌ মৰাণ ছাত্ৰ সন্থাৰ ৫৩ সংখ্যক প্ৰতিষ্ঠা দিৱস পালন
পুৱা পতাকা উত্তোলন আৰু স্মৃতি তৰ্পণ কৰাৰ পিছতেই সংগঠনটোৰ বাৰ্ষিক মুখপত্ৰ "গান্ধৈ" উন্মোচন কৰে তিনিচুকীয়া প্ৰেছ ক্লাবৰ ভাৰপ্ৰাপ্ত সভাপতি কমল তালুকদাৰে । প্ৰতিষ্ঠা দিৱসৰ লগত সংগতি ৰাখি সদৌ মৰাণ ছাত্ৰ সন্থাৰ সাংস্কৃতিক বিভাগৰ দ্বাৰ নিবেদিত "সোণকণ" নামেৰে এটি মৰাণ জনগোষ্ঠীৰ থলুৱা বিহুগীতৰ উন্মোচন কৰে সদৌ মৰাণ ছাত্ৰ সন্থাৰ প্ৰাক্তন সভাপতি অৰুণজ্যোতি মৰাণে ।