তিনিচুকীয়া, 14 অক্টোবৰ : সদৌ অসম গোৰ্খা ছাত্ৰ সন্থাৰ কেন্দ্ৰীয় সমিতিৰ নৱ-নিৰ্বাচিত সাধাৰণ সম্পাদক নোমল ছেত্ৰীক বুধবাৰে গৃহ জিলা তিনিচুকীয়াত উস্ম আদৰণি জনায় । তিনিচুকীয়াত উপস্থিত হোৱাৰ পিচতেই গোৰ্খা ছাত্ৰ সন্থাৰ নৱ-নিৰ্বাচিত সাধাৰণ সম্পাদক নোমল ছেত্ৰীক বাইক ৰেলীৰে বিপুল আদৰণি জনোৱা হয় ।
গোৰ্খা ছাত্ৰ সন্থাৰ তিনিচুকীয়া জিলা সমিতিৰ উদ্যোগত জিলা সমিতিৰ সমূহ আঞ্চলিক সমিতিৰ কৰ্মকৰ্তাসকলে নোমল ছেত্ৰীক মাকুমৰ পৰা ধলাস্থিত নিজা বাসগৃহলৈকে আদৰি লৈ যায় । উল্লেখযোগ্য যে,বিগত 11 অক্টোবৰ তাৰিখে গুৱাহাটীস্থিত শ্ৰীমন্ত শংকৰদেৱ কলাক্ষেত্ৰত সদৌ অসম গোৰ্খা ছাত্ৰ সন্থাৰ কেন্দ্ৰীয় সমিতিৰ 16 সংখ্যক দ্বি-বাৰ্ষিক অধিবেশনৰ প্ৰতিনিধি সভাত নোমল ছেত্ৰীক গোৰ্খা ছাত্ৰ সন্থাৰ সাধাৰণ সম্পাদক হিচাপে নিৰ্বাচন কৰা হয় ।
লগতে পঢ়ক :প্ৰাপ্তি অপ্ৰাপ্তিৰ আশাত 36 বছৰীয়া হ'ল আঞ্চলিক দল অসম গণ পৰিষদ