ভোট গণনাৰ বাবে ব্যাপক প্ৰস্তুতি তিনিচুকীয়া জিলা প্ৰশাসনৰ

অহা ২৩ মে’ত অনুষ্ঠিত হ’ব লোকসভা সমষ্টিৰ ভোট গণনা ৷ যাৰ বাবে ব্যাপক প্ৰস্তুতি তিনিচুকীয়া জিলা প্ৰশাসনৰ ৷

তিনিচুকীয়া, 20 মে’:অহা ২৩ মে’ত দেশত অনুষ্ঠিত হ’ব লোকসভা নিৰ্বাচনৰ ভোট গণনাৰ প্ৰক্ৰিয়া ৷ ভোট গণনাৰ বাবে ব্যাপক প্ৰস্তুতি তিনিচুকীয়া জিলা প্ৰশাসনৰ ৷ লোকসভা নিৰ্বাচনৰ উৎকণ্ঠা অন্ত পৰিবলৈ মাজত মাথোঁ দুটা দিন ৷ কোনে গঠন কৰিব চৰকাৰ ? সেয়া পৰিস্কাৰ হ’ব অহা ২৩ মে’ৰ ভোট গণনাত ৷

ইতিমধ্যে ৰাজ্যৰ ১৪ টা লোকসভা সমষ্টিৰ ভোটগণনাৰ বাবে সাজু হৈ উঠিছে ৰাজ্যৰ আৰক্ষী-প্ৰশাসন ৷ সমান্তৰালকৈ তিনিচুকীয়া জিলা প্ৰশাসনেও ভোটগণনাৰ বাবে ব্যাপক প্ৰস্তুতি চলাইছে ৷ তিনিচুকীয়া নিৰ্বাচনী জিলাৰ অধীনত থকা তিনিটা বিধানসভা সমষ্টিৰ ভোট গণনা বৰগুৰিৰ ষ্টেট ফেডত হ’ব ৷ ২৩ মে’ত পুৱা ৮ বজাৰ পৰা আৰম্ভ হ’ব ভোট গণনাৰ প্ৰক্ৰিয়া ৷ মুঠ ১২ খন টেবুলত ৮ টা ৰাউণ্ডত সমাপ্ত হ’ব ভোট গণনাৰ সমস্ত প্ৰক্ৰিয়া ৷