ডুমডুমাত বিদ্যুৎস্পৃষ্ট হৈ ১৭ বছৰীয়া কিশোৰৰ মৃত্যু

ৱেল্ডিং মেছিনত কাম কৰি থকা অৱস্থাত সংঘটিত হয় এই শোকাৱহ দুৰ্ঘটনাটো ৷

ডুমডুমা, 24 ছেপ্টেম্বৰ: ডুমডুমাৰ লংছোৱালত সোমবাৰে সন্ধিয়া বিদ্যুৎস্পৃষ্ট হৈ বিশাল বণিক নামৰ এজন 17 বছৰীয়া কিশোৰ মৃত্যুমুখত পৰে ৷ লাংছোৱালৰ ৰাজা ওৱেলডিং নামৰ এখন দোকানত সন্ধিয়া ৱেল্ডিং মেছিনত কাম কৰি থকা অৱস্থাত বিদ্যুৎস্পৃষ্ট হয় কিশোৰজন ৷ ঘটনা অনুসৰি বিশালে অসাৱধানবশত: বিদ্যুত প্ৰবাহিত হৈ থকা এটা মেচিনত হাত দিয়াৰ ফলতে চৰ্ট শ্বাৰ্কিত হৈ এই শোকাৱহ দুৰ্ঘটনাটো সংঘটিত হয় যাৰ ফলত যুৱকজনৰ সমগ্ৰ দেহত বিদ্যুত প্ৰবাহিত হয় ৷ লগে লগে কিশোৰজনক লংছোৱাল চাহ বাগিচাস্থিত কেন্দ্ৰীয় চিকিৎসালয়লৈ লৈ যোৱা হৈ যদিও চিকিৎসকে তেওঁক মৃত ঘোষণা কৰে ৷ ইতিমধ্যে ঘটনাস্থলীত ডুমডুমা আৰক্ষী উপস্থিত হৈ যুৱকজনৰ মৃতদেহ উদ্ধাৰ কৰিছে ৷