তিনিচুকীয়া, 1 আগষ্ট:ৰাজ্যত অব্যাহত আছে ড্ৰাগছ বিৰোধী অভিযান ৷ ড্ৰাগছ বিৰোধী অভিযান অব্যাহত থকাৰ সময়তো ড্ৰাগছ সৰবৰাহকাৰীয়ে ন ন কৌশল অৱলম্বন কৰি অব্যাহত ৰাখিছে মাৰাত্মক ড্ৰাগছৰ সৰবৰাহ ৷ এইবাৰ চলন্ত বাছত আৰক্ষীয়ে চলোৱা অভিযানত ধৰা পৰিল নিচাযুকিত ড্ৰাগছ ৷ তিনিচুকীয়া জিলাৰ পেঙেৰী আৰক্ষী থানাৰ ভাৰপ্ৰাপ্ত বিষয়া বকুল ইংতি আৰু আৰক্ষী উপ পৰিদৰ্শক ধ্ৰুৱজ্যোতি শৰ্মাই সোমবাৰে সন্ধিয়া চলায় নিয়মীয়া তালাচী ৷
তালাচীৰ সময়ত আৰক্ষীয়ে জব্দ কৰিবলৈ সক্ষম হয় নিচাযুক্ত দ্ৰব্যকে ধৰি কেইবাজনো লোকক ৷ সোনমনি আৰু নৱজ্যোতি নামৰ দুখন বাছত 77 পেকেট Buprenorphine Tablet's জব্দ কৰিবলৈ সক্ষম হয় বুলি আৰক্ষীয়ে জানিবলৈ দিয়ে ৷ 770 টা টেবলেটসহ 12 জন লোকক আটক কৰিবলৈ সক্ষম হয় আৰক্ষীৰ দলটোৱে । আটক কৰিবলৈ সক্ষম হোৱা লোককেইজনৰ ঘৰ টেকেৰী, কুজুপথাৰ আৰু কঁঠালগুৰিত বুলি জানিবলৈ পৰা গৈছে ৷