ডুমডুমা, 3 ফ্ৰেব্ৰুৱাৰীঃ তিনিচুকীয়া জিলাৰ পেঙেৰীৰ মুংগং পথাৰ, টেকেৰী নামচাই, বালিচাপৰি আদি গাঁৱৰ প্ৰায় 20 হাজাৰ বিঘা ভূমি এতিয়া বুঢ়ীদিহিং নদীৰ বুকুত জাহ গৈছে । সুদীৰ্ঘ বছৰৰ পৰা গৰাখহনীয়াই ৰাইজৰ জীৱন জীৱিকা হাহাকাৰ কৰি তোলাৰ লগতে প্ৰতি বছৰে বানপানীৰ সময়ত এই গাওঁবাসীকসকলে বিনিদ্ৰ ৰজনীৰে দিন অতিবাহিত কৰিবলগীয়া হৈছে । বিজ্ঞানসন্মত পদ্ধতিৰে গৰাখহনীয়া ৰোধৰ বাবে চৰকাৰৰ লগতে জলসম্পদ বিভাগক স্থানীয় দল-সংগঠনসমূহে বাৰম্বাৰ আবেদন কৰাৰ লগতে ধাৰাবাহিক প্ৰতিবাদীৰেও দাবী জনাই অহিছে ৷ ইমানৰ পাছতো আজিকোপতি কোনো সমাধানৰ মুখ নেদেখিলে ৰাইজে ৷
ভয়াৱহ গৰাখহনিয়াৰ কৱলত ৰাজ্যৰ প্ৰায় 20 হাজাৰ বিঘা ভূমি