ডুমডুমা,3 ডিচেম্বৰ : তিনিচুকীয়া জিলাৰ ডুমডুমাৰ মানখোৱা এঠেঙীয়াত বুধবাৰে সংঘটিত হৈছে ডকাইতি কাণ্ড ৷ দিন-দুপৰতেই বাইকত অহা চাৰিজনীয়া এটা ডকাইতৰ দলে চোকা অস্ত্ৰ দেখুৱাই এখন বাহনৰ পৰা লুটি নিয়ে 50 হাজাৰ টকাসহ মোবাইল ফোন আৰু বাহনখনৰ চাবি ।
AS-23-K-9119 নম্বৰৰ এখন চাৰিচকীয়া বাহনত এজন লোকে ডুমডুমাৰ পৰা ৰূপাইচাইডিং হৈ জয়ৰামপুৰলৈ শ্ৰমিকৰ দৰমহাৰ টকা লৈ গৈ থকা অৱস্থাত মানখোৱাৰ এঠেঙীয়া তিনিআলিত ৰাষ্ট্ৰীয় ঘাইপথৰ সমীপত সংঘটিত হয় এই ডকাইতি কাণ্ড ৷