ডিগবৈত একেদিনাই 7 টা নামঘৰৰ আধাৰশিলা স্থাপন

যিমানেই নিৰ্বাচনৰ দিন চাপি আহিছে বিধায়সকলেও যেন আধাৰশিলা কৰাত ব্যস্ত হৈ পৰিছে । এইবাৰ বিধায়ক সুৰেন ফুকন নামি পৰিছে আধাৰশিলা উন্মোচন কৰাত। একে দিনাই উন্মোচন কৰিলে ৭ টা নামঘৰৰ আধাৰশিলা ।

তিনিচুকীয়া,17 নৱেম্বৰঃঅসম চৰকাৰে ঘোষণা কৰা ‘অসম দৰ্শন’আঁচনিৰ পুঁজিৰে ৰাজ্যত বহু নামঘৰৰ পুনৰ নিৰ্মাণ তথা মেৰামতি আৰম্ভ কৰিছে । প্ৰায় ২.৫ লাখ টকাকৈ আগবঢ়াইছে এই আঁচনিৰ অধিনত । ডিগবৈ সমষ্টিৰ ৮৩ টা নামঘৰৰ ভিতৰত ৩৫টা নামঘৰৰ আধাৰশিলা ইতিমধ্যে সমাপ্ত কৰিছে বিধায়ক সুৰেণ ফুকনদেৱে ।

বিধায়ক সুৰেন ফুকন নামি পৰিছে আধাৰশিলা উন্মোচন কৰাত

মংগলবাৰে বৰবিল গাঁও পঞ্চায়তৰ অন্তৰ্গত একেদিনাই ৭ টা নামঘৰৰ আধাৰশিলা কৰি পুনৰবাৰ কৰ্মযোগী হিচাপে পৰিচয় দাঙি ধৰিলে ১২৩ নং বিধান সভা সমষ্টিৰ বিধায়ক সুৰেণ ফুকন দেৱে । মংগলবাৰে আধাৰশিলা কৰে ৰামনগৰ ৰংপুৰ নামঘৰ,৩ নং বৰবিল আদৰ্শ নামঘৰ,বৰবিল বিষ্ণুপুৰ নামঘৰ,বালিজান প্ৰসিদ্ধ গুৰু নামঘৰ,একশৰণ ভাগৱতী সমাজ নামঘৰ,বালিজান শংকৰ গুৰু নামঘৰ আৰু টিপাম নামঘৰ ৷

একেদিনাই 7 টা নামঘৰৰ আধাৰশিলা স্থাপন

সমষ্টিটোত একেদিনাই বহুকেইটা নামঘৰৰ আধাৰশিলা স্থাপন কৰাত সন্তুষ্টি প্ৰকাশ কৰিছে ভক্তপ্ৰাণ ৰাইজে ৷ উল্লেখ্য যে,নিৰ্বাচনৰ পূৰ্বে আধাৰশিলা স্থাপনৰ ৰাজনীতি কৰা বুলি একাংশই সমালোচনা কৰিছে যদিও অঞ্চলটোৰ ৰাইজে নামঘৰ কেইটা লাভ কৰাৰ বাবে স্থানীয় বিধায়ক গৰাকীক ধন্যবাদ জনাইছে ৷

লগতে চাওকঃ 60হাজাৰ টকাত বিক্ৰী লামডিং বনাঞ্চলৰ মাটি!