তিনিচুকীয়া , ৫ মাৰ্চ : তিনিচুকীয়াৰ ডিগবৈ বন সংমণ্ডলৰ অধীনত থকা লেখাপানী বনাঞ্চলিক কাৰ্যালয়ৰ অন্তৰ্গত লেখাপানীত সোমবাৰে এটা পহু দুর্ঘনাগ্ৰস্ত হৈ মৃত্যুৰ মুখত পৰে । পহুটোৱে তীব্ৰ বেগেৰে মানুহ এঘৰৰ গেটত খুন্দা মৰাৰ ফলত মৃত্যু হয় পহুটোৰ ।
জানিব পৰা মতে সোমবাৰে পহুটো বনাঞ্চলৰ পৰা ওলাই আহি সেনাৰ কেম্পৰ বাউণ্ডেৰী ভিতৰত প্ৰৱেশ কৰি ঘাঁ খাই আছিল । তেনে সময়তে এখন গাড়ী যোৱা শব্দ শুনি পহুটোৱে ভিতিগ্ৰস্ত হৈ তীব্ৰ বেগেৰে দৌৰ মৰাৰ ফলত মানুহৰ এঘৰৰ গেটত খুন্দা মাৰে । যাৰ ফলত থিতাতে মৃত্যু হয় পহুটোৰ । পৰৱৰ্তী সময়ত লেখাপানী বন বিভাগে ঘটনাস্থলীত উপস্থিত হৈ পহুটোৰ মৰুণোত্তৰ পৰীক্ষা কৰি লেখাপানী বন বিষয়া কাৰ্যালয়ৰ চৌহদত মৃত পহুটো পুতি থয়৷