তিনিচুকীয়াৰ শ্ৰীপুৰীয়াত মৃতদেহ উদ্ধাৰ

স্থানীয় ৰাইজৰ অভিযোগ অনুসৰি এই ঘটনা এক পৰিকল্পিত হত্যাকাণ্ড ।

তিনিচুকীয়া,12 মে’: তিনিচুকীয়াৰ জিলাৰ শ্ৰীপুৰীয়াৰ 2 নং টিংৰাই হাবিত সোমবাৰে এটা মৃতদেহ উদ্ধাৰ হয় । মৃত লোকজনৰ নাম চিৰঞ্জীৱ নৱসুদ্ৰ বুলি জানিব পৰা গৈছে । স্থানীয় ৰাইজৰ অভিযোগ অনুসৰি এই ঘটনা এক পৰিকল্পিত হত্যাকাণ্ড । তিনিচুকীয়া আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে । সমগ্ৰ ঘটনা সম্পৰ্কে আৰক্ষীয়ে তদন্ত আৰম্ভ কৰিছে যদিও বৰ্তমানলৈকে এজনো লোকক আটক কৰিবলৈ সক্ষম হোৱা নাই ।