জিলা প্ৰসাশনৰ নিৰ্দেশনাক উলংঘা কৰি ফিল'বাৰীত সাপ্তাহিক বজাৰ

বিভিন্ন জিলাত কৰ'ণা ভাইৰাছৰ সংক্ৰমণৰ প্ৰতি লক্ষ্য় ৰাখি জিলা প্ৰশাসনে জনসমাগম ৰোধ কৰাৰ নিৰ্দেশনা প্ৰদান কৰিছে যদিও, শনিবাৰে তিনিচুকীয়াৰ ফিল'বাৰীত দেখা গ'ল ইয়াৰ বিপৰীত দৃশ্য ৷ এনে নিৰ্দেশনা জাৰি কৰা সত্বেও ফিল'বাৰীত মুকলি থাকিল সাপ্তাহিক শনিবৰীয়া বজাৰ ৷ য'ত দেখা গ'ল সহস্ৰাধিক জনতাৰ সমাগম ৷

তিনিচুকীয়া, 21 মাৰ্চঃ কৰ'ণাৰ সম্পৰ্কে সজাগতাৰ পৰিৱৰ্তে তিনিচুকীয়াৰ ফিল'বাৰীৰ শনিবৰীয়া বজাৰত সমাগম শহস্ৰাধিক লোকৰ ৷ সমগ্ৰ বিশ্বতেই কৰ'ণা ভাইৰাছে আতংকৰ সৃষ্টি কৰাৰ সময়তে অসমৰ বিভিন্ন জিলাসমূহতো জিলা প্ৰশাসনে জনসমাগম ৰোধ কৰাৰ নিৰ্দেশনা প্ৰদান কৰাৰ লগতে জাৰি কৰিছে ১৪৪ ধাৰা ৷ কিন্তু জিলা প্ৰশাসনৰ এই নিৰ্দেশনাক যেন সম্পূৰ্ণৰূপে অমান্য কৰিছে একাংশই ৷ জিলাখনত মুকলি আছে ফিল'বাৰীৰ সাপ্তাহিক বজাৰ ৷ এই বিষয় লৈ তীব্ৰ প্ৰতিক্ৰিয়া প্ৰকাশ কৰিছে একাংশ স্থানীয় লোকে ৷

আনহাতে এই ক্ষেত্ৰত জিলা প্ৰশাসনে কেৱল মাত্ৰ নিৰ্দেশনা প্ৰদান কৰিয়েই দায়িত্ব সামৰাৰো অভিযোগ উত্থাপন কৰিছে একাংশই ৷

লগতে পঢ়কঃঅলপ সাৱধানতাই ৰক্ষা কৰিব পাৰে অনেকজনৰ জীৱনঃ প্ৰধানমন্ত্ৰী মোডী