বন্যহস্তীৰ তাণ্ডৱত গৃহহীন ৭০ বছৰীয়া বৃদ্ধা

লেখাপানী আৰু জাগুন আঞ্চলিক বন বিভাগৰ অন্তৰ্গত, কথা সংৰক্ষিত বনাঞ্চলৰ পৰা ওলাই অহা এটা বনৰীয়া হাতীয়ে তাণ্ডৱৰ সৃষ্টি কৰে 3 নং উদয়পুৰৰ কুঁহিয়াৰ বাৰীৰ এগৰাকী ৭০ বৰ্ষীয় বৃদ্ধাৰ বাসগৃহত ।

জাগুন, 30 এপ্ৰিলঃ ডিগবৈ বন সংমণ্ডলৰ অধীনৰ লেখাপানী আৰু জাগুন আঞ্চলিক বন বিভাগৰ অন্তৰ্গত, কথা সংৰক্ষিত বনাঞ্চলৰ পৰা পুৱা ওলাই অহা এটা বনৰীয়া মখনা হাতীয়ে তাণ্ডৱ চলায় 3 নং উদয়পুৰৰ কুঁহিয়াৰ বাৰী অঞ্চলত । বনৰীয়া হাতীটোৱে কুঁহিয়াৰ বাৰী অঞ্চলৰ আৰ্থিকভাৱে দুৰ্বল বিধৱা বৃদ্ধা এগৰাকীৰ বাসগৃহৰ লগতে, বিভিন্ন ঘৰুৱা আচবাব ভাঙি লণ্ড ভণ্ড কৰে । হতীটোৰ আক্ৰমণৰ পৰা কথমপিহে প্ৰাণ ৰক্ষা পৰিল ধনকুমাৰী তামাং (৭০)নামৰ বৃদ্ধাগৰাকীৰ ।

উল্লেখ্য যে, বিগত কেইবাদিনৰ পৰা এইকথা সংৰক্ষিত বনাঞ্চলৰ পৰা বিভিন্ন সময়ত বনৰীয়া হাতীয়ে জনাঞ্চললৈ ওলাই আহি তাণ্ডৱ সৃষ্টি কৰি আহিছে । যাৰ বাবে শংকিত হৈ পৰিছে অঞ্চলটোৰ জনসাধাৰণ । জানিব পৰা মতে, কিছুদিন পূৰ্বে বন্যহস্তীৰ আক্ৰমণত এই অঞ্চলটোৰ এজন ব্যক্তি থিতাতে নিহত হৈছিল ।

লগতে পঢ়কঃমাজুলীত আৱদ্ধ যাত্ৰীক উদ্ধাৰকাৰ্যত ব্ৰতী IWT জাহাজ