ৰূপেশ গোৱালাৰ হৈ নিৰ্বাচনী প্ৰচাৰ চলালে মুখ্যমন্ত্ৰী সোণোৱালে

সোমবাৰে ডুমডুমা বিধানসভা সমষ্টিত ৰূপেশ গোৱালাৰ হৈ নিৰ্বাচনী প্ৰচাৰ চলাই মুখ্যমন্ত্ৰী সৰ্বানন্দ সোণোৱালে ৷ নিৰ্বাচনী প্ৰচাৰ সভাত কংগ্ৰেছক তীব্ৰ সমালোচনা কৰে মুখ্যমন্ত্ৰী গৰাকীয়ে ৷

শদিয়া,15 মাৰ্চ: তিনিচুকীয়াৰ 125 নং ডুমডুমা বিধানসভা সমষ্টিত সোমবাৰে নিৰ্বাচনী প্ৰচাৰ চলাই মুখ্যমন্ত্ৰী সৰ্বানন্দ সোণোৱালে ৷ ডুমডুমা সমষ্টিৰ কাকপথাৰ চেলেংগুৰী ডুমকাৰ লাইন খেলপথাৰত ৰূপেশ গোৱালাৰ হৈ নিৰ্বাচনী প্ৰচাৰ চলায় মুখ্যমন্ত্ৰী সোণোৱালে ৷

নিৰ্বাচনী প্ৰচাৰ সভাত অংশ লৈ মুখ্যমন্ত্ৰী সোণোৱালে কয় যে, কংগ্ৰেছ চৰকাৰে অসম ৰাইজৰ বিভিন্ন আঁচনি সমূহত দুৰ্নীতি কৰি আহিছিল ৷ কিন্তু 2016 চনৰ পৰা বিজেপি চৰকাৰে বিভিন্ন আঁচনি ৰূপায়ণ কৰি অসমৰ ৰাইজৰ উন্নয়ন কৰিছে ৷ ইয়াৰ লগতে চাহ শ্ৰমিকসকলৰ উন্নয়নৰ ক্ষেত্ৰতো বিজেপি চৰকাৰে বিশেষ ভূমিকা গ্ৰহণ কৰা বুলি মন্তব্য কৰে মুখ্যমন্ত্ৰী গৰাকীয়ে ৷

আনহাতে, কংগ্ৰেছ ত্যাগী তথা বৰ্তমানৰ বিজেপিৰ প্ৰাৰ্থী ৰূপেশ গোৱালাই ডুমডুমাৰ বিধায়ক দুৰ্গা ভূমিজক সমালোচনা কৰি কংগ্ৰেছ চৰকাৰে অসমৰ ৰাইজৰ বিভিন্ন আঁচনিসমূহত দুৰ্নীতি সংঘটিত কৰিছিল বুলি মন্তব্য কৰে ৷

লগতে পঢ়ক :পদ্ম হাজৰিকাৰ হৈ নিৰ্বাচনী প্ৰচাৰ জে পি নাড্ডাৰ