তিনিচুকীয়া,15মে’: শনিবাৰে দিনযোৰা কাৰ্যসূচীৰে অসমৰ নতুন মুখ্যমন্ত্ৰী ড৹ হিমন্ত বিশ্ব শৰ্মাই উপস্থিত হয় তিনিচুকীয়া জিলাত । পোন প্ৰথমে মুখ্যমন্ত্ৰী ড৹ হিমন্ত বিশ্ব শৰ্মা উপস্থিত হয় শুকুৰবাৰে বোমা বিস্ফোৰণ হোৱা ডিগবৈ টিংৰাই বজাৰত । টংৰাইত উপস্থিত হৈ সমগ্ৰ ঘটনাৰ পৰ্যবেক্ষণ কৰাৰ লগতে ঘটনাত মৃত্যু হোৱা দুগৰাকী মৃতকৰ পৰিয়ালৰ ভিতৰত সুৰজিত তালুকদাৰৰ ঘৰত উপস্থিত হৈ পৰিয়ালক সান্তনা দিয়ে ৷ লগতে দুই মৃতকৰ পৰিয়াললৈ ৫ লাখ টকা আৰ্থিক সাহাৰ্য্য প্ৰদান কৰা হ'ব বুলি ঘোষণা কৰে মুখ্যমন্ত্ৰী গৰাকীয়ে ।
তাৰ পিছতে তিনিচুকীয়া অসামৰিক চিকিৎসালয়ত উপস্থিত হৈ ক'ভিড চেণ্টাৰ সমূহ পৰ্যবেক্ষণ কৰি তিনিচুকীয়া জিলাৰ উপায়ুক্তৰ কাৰ্যালয়লৈ আহি উপায়ুক্তৰ লগত সাম্প্রতিক ক'ভিড পৰিস্থিতি সৰ্ন্দভত আলোচনাতা মিলিত হয় । আলোচনাত মিলিত হোৱাৰ পিছতে কেইবাটাও গুৰুত্বপূৰ্ণ বিষয়ৰ ওপৰত সংবাদ মাধ্যমৰ আগত মন্তব্য প্ৰকাশ কৰে মুখ্যমন্ত্ৰী ড৹ হিমন্ত বিশ্ব শৰ্মাই ।
ইপিনে তিনিচুকীয়া জিলাৰ যি সমূহ চাহ বাগিচাত ক'ভিড আক্ৰান্ত ৰোগীৰ সংখ্যা বৃদ্ধি পাইছে তাক কন্টেইনমেন্ট জ'ন হিচাপে ঘোষণা কৰিবলৈ নিৰ্দেশ দিয়াৰ লগতে শ্ৰমিক সকলক আৰ্থিক সমস্যাৰ ওপৰতো গুৰুত্ব দিয়াৰ কথা অৱগত কৰে ।
আনহাতে আলফাৰ ওপৰত আন এক গুৰুত্বপূৰ্ণ মন্তব্য প্ৰকাশ কৰে মুখ্যমন্ত্ৰী হিমন্ত বিশ্ব শৰ্মাই । ONGC ৰ অপহিত বিষয়া ৰিতুল শইকীয়াৰ ক্ষেত্ৰত সাংবাদিকৰ প্ৰশ্নৰ উত্তৰত কয় যে, তেওঁ বৰ্তমান ম্যানমাৰত আছে । তেওঁৰ মুক্তিৰ বাবে বিভিন্ন পৰ্যায়ত কথা-বাৰ্তা চলি আছে ৷