তিনিচুকীয়া, ২৪ জুলাই : তিনিচুকীয়াত দীৰ্ঘদিন ধৰি এটা হত্যাকাণ্ডৰ উচিত ন্যায় বিচাৰি কৰা আন্দোলনৰ পাচত এতিয়া পুনৰ তিনিচুকীয়াত উপস্থিত হৈছে CBI ৰ এটা সঁজাতি দল ৷ বিগত ১৭ জুলাইৰ পৰা তিনিচুকীয়াত বাহৰ পাতি আছে CBI ৰ দুজনকৈ বিষয়াই ৷ এটা হত্যাকাণ্ডৰ তদন্তৰ বাবে বাহৰ পাতিছে CBI ৰ দুজনীয়া দলটোৱে ৷
ঘটনা অনুসৰি, ২০১৩ চনৰ ২৫ মাৰ্চত নিশা নিজা ঘৰলৈ উভতাৰ পথত কোনো দুৰ্বৃত্তই চোকা অস্ত্ৰৰে হত্যা কৰিছিল পানীতোলাৰ চাহ শ্ৰমিক তথা CPIML ৰ সেই সময়ৰ নেতা গংগাৰাম ক’লক ৷ চাহ শ্ৰমিক নেতা গংগাৰাম ক’লৰ হত্যাকাণ্ডৰ ন্যায়ৰ দাবীত তিনিচুকীয়াৰ লগতে বিভিন্ন প্ৰান্তত ব্যাপক ৰূপত হৈছিল প্ৰতিবাদ ৷ প্ৰতিবাদৰ জৰিয়তে গংগাৰাম ক’লৰ হত্যাকাণ্ডৰ তদন্ত CBI ক দিয়াৰ দাবী কৰিছিল পৰিয়াল আৰু প্ৰতিবাদী দল-সংগঠনে ৷
আনহাতে ক’লৰ পৰিয়ালৰ এজাহাৰ ভিত্তিত তিনিচুকীয়া সদৰ আৰক্ষী থানাত গোচৰ নং 191/13 ৰুজু হৈ u/s 341/302/34 IPC ধাৰাত সন্নিৱিষ্ট হৈ থকা হত্যাকাণ্ডৰ তদন্ত পৰৱৰ্তী সময়ত CBI য়ে লাভ কৰিছিল ৷ CBI য়ে তদন্ত কৰিছিল যদিও হত্যাকাণ্ড কোনে সংঘটিত কৰিছিল তাক উলিয়াব নোৱাৰি গোচৰটোৰ তদন্ত বন্ধ কৰিছিল ৷ পৰৱৰ্তী সময়ত CBI ৰ তদন্তত দোষী নোলোৱাত গংগাৰাম ক’লৰ পৰিয়ালে অসন্তুষ্টি হৈ পুনৰ গোচৰটো তদন্ত কৰিবলৈ গুৱাহাটী উচ্চ ন্যায়ালয়ত লেখ আবেদন কৰিছিল ৷