তিনিচুকীয়া, 16 ফেব্ৰুৱাৰীঃ নাগৰিকত্ব সংশোধনী আইন বিৰোধিতাৰে দেওবাৰে তিনিচুকীয়া জিলাৰ বুঢ়িদিহিং মৌজাৰ অন্তৰ্গত ভিতৰুৱা তৰাণী গাঁৱত এক প্ৰতিবাদী সভা অনুষ্ঠিত হয় । বিজেপিৰ তিনিচুকীয়া জিলা সমিতি সভাপতি লক্ষেশ্বৰ মৰাণৰ গৃহ গাঁও তৰাণী গাঁৱত ৰাজহুৱা খেলপথাৰত অনুষ্ঠিত হয় এই প্ৰতিবাদী গণ গৰ্জন কাৰ্যসূচী ৷
কাৰ্যসূচীত কটন বিশ্ববিদ্যালয় ছাত্ৰ একতা সভাৰ প্ৰাক্তন সাধাৰণ সম্পাদক প্ৰাঞ্জল কলিতা, ডিব্ৰুগড় বিশ্ববিদ্যালয় ছাত্ৰ একতা সভাৰ সাধাৰণ সম্পাদক ৰাহুল ছেত্ৰী, দিল্লী বি. আৰ. আম্বেদকাৰ বিশ্ববিদ্যালয়ৰ Member of Student Council ৰ অৰুণজী ইনিয়ান, ছাত্ৰ মুক্তি সংগ্ৰাম সমিতিৰ নেতা লক্ষজ্যোতি গগৈ, উমানন্দ মৰাণৰ লগতে বৃহত্বৰ তৰাণী অঞ্চলৰ বহুংসখ্যক ৰাইজ উপস্থিত থাকে । উপস্থিত সকলোৱে জাতিধ্বংসী নাগৰিকত্ব সংশোধনী আইন বাতিল কৰাৰ লগতে কৃষক নেতা অখিল গগৈ আৰু অনান্য কাৰাবন্দী নেতাসকলৰ মুক্তিৰ দাবী কৰে ।